Mberaand 21:16 - NQAARIIT NE ROOG

¹⁶ soo a ret, a moof koƭu a jasnoor fo ten ee yaam waagee muk o ɗeetaa o goor ole ta xonaa. A moofa boog, a jasnoor fo ten soo a ref no loolaa.

Mberaand 21:16 Iomraidhean Croise

Mberaand 21:15

Ye foofi le kam mboxos ne a fagna, Agaar a moofna o goor ole no mbafid,

Mberaand 27:38

Esawu a laya a faap um ee: «Baa, ndax barke fa leng faaga soom jeg’o jeg? Mi itam, barke’aam!» Naaga, Esawu a dalfooxa o ref no faɗooxaa.

Mberaand 29:11

Cinj kaaga, Yakoob a farakooxa a Rakel, soo a lool,

Mberaand 44:34

Andiim nam um nomtooritkaa maa faap es o goor ole a yoonangee fa mi? Ey! Yaasam ba um ga o njakad onqe na dalkaa a faap es yaaga!»

1 Maad we 17:12

O tew oxaa a doonaan ee: «Ne ta wooritna yee o Yaal oxe Roog of oxe ñoowaa, neene a woortu yee saqiim dara kaa ɓelna, a refangee o ɓay mbiɗel kam o njak fo o ndaag diwliin kam o fal. Ndiiki koy, kaam kaflooxaa fo njeɓ fo leng-leng boo ret jawankin o ƥees fa mi, i ñaamin, cinj kaaga i nqonik.»

1 Maad we 3:26

Cer ke no tew oxe jeg’ina o ƥiy onqe na ñoowaa a naanga dayum yaam o mbeq o maak onqe ta jeg’ina no ƥeem. A laya o maad oxe yee: «Daali maad o yaal es, cooxeenoo o ƥiy onqe na ñoowaa, ngela ba nu mbarin!» O tew o lakas oxe mat a laya yee: «Mbandeenoo, neene jegkinum, jegkino.»

Esteer 8:6

Ndax xam waag o seede taamaala feene ta dalaa xeet es? Kaam ee waagkiim muk o jasnoor fo a saŋik ale no we fogtuuma xeet.»

Esayi 49:15

Kaa koy o Yaal oxe a doona yee: «Ndax o tew a waaga o weec o njaaƈ onqe ta numnaa? Ndax a waaga moof boo a fañ o njaaƈ onqe ta waxooxaa? A weecangaan sax oo, mi weeckiroong.

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

YEGIL MBAAX NE YEESU ne Lik a bindtuuna 15:20

Cinj kaaga, a refa na ƭat, a nomtooxaa maa faap um. Ke ta maad’ina o goƭaa fop oo, faap um a ƴookaan, ta yuɗin lool. A ƴufa a xetookin, a farakooxin, soo a foonin.

Haahate we 2:4

Ye malaaka fee no Yaal oxe a layna Ii-isra’el we fa lay faaga, den fop a njibna xa paɗax.

Ruut 1:9

Yaasam o Yaal oxe a ci oxuu refna na nuun o kor oxaa na ñootinkan!» A dalfooxa o farakoox a den, soo weene a ndef no mbaɗooxaa.

1 Sami’el 24:16

Koo yaasam o Yaal oxe a ref o kaahate in, a horoox, a fartaam, a ɓoxotaam ɓur soo a muclaam na xa ƥay of.»

1 Sami’el 30:4

Maaga, Dawid fo yoon um fop a ndefa no ƭomatooxaa, a mbaɗooxaa boo njegatee doole faa da mbaɗooritna.