Mberaand 21:12 - NQAARIIT NE ROOG

¹² Kaa koy, Roog a laya a Abraham ee: «Baa keene a feƭarong yaam o goor ole fo o ceefeer of. Kuu Saara a xeɗoonga, fat o ci’in o ten, yaam o kurcala of ŋaƈit na Isaak a sutoorkaa.

Mberaand 21:12 Iomraidhean Croise

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mberaand 17:21

Kaa koy, no ke farna no ngiɓoor es xam damin fa Isaak fee o jegkaa fa Saara na waxtu feeke mbaan.»

Esayi 46:10

Yegnitaam no mberaand naa ke na xewkaa, lambin yaaga ke fadiidafuleerna. Kaam layaa yee: Yuuƥ es xan a fadnoox, too ke buguuma fop, kaam fi’an.

Galati 4:30

Xar a Pind a Tedu ke a layu? Kaa dee: «Raxi o paɗ oxe fo o ƥeem, yaam o ƥiy no paɗ lamandoorkee fo o ƥiy jaambuur.»

Hebre 11:18

Roog toox de a daaw’a o lay ee: «Na Isaak o jegitkaa xa taan axe regoonga.»

1 Sami’el 8:7

O Yaal oxe a doona a Sami’el ee: «Nan-gilooxi ke xeet fee a laykang fop, yaam refee yee wo a ndeɓu, ndaa mi sax a ndeɓu, ndax maadooxkatiim a ndeer den.

1 Sami’el 8:9

Ndiiki koy, nan-gilooxi a den, ndaa fat o maƭoox a den a paax too andnoor a den ke helna a den no xe na maadooxankaa a den.»