Mberaand 21:10 - NQAARIIT NE ROOG

¹⁰ Saara a laya a Abraham ee: «Raxi o ceefeer oxene fo o ƥeem, yaam o ƥiy onqe no ceefeer oxene lasirkee lam ne fa Isaak fee o ƥees.»

Mberaand 21:10 Iomraidhean Croise

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mberaand 17:21

Kaa koy, no ke farna no ngiɓoor es xam damin fa Isaak fee o jegkaa fa Saara na waxtu feeke mbaan.»

Mberaand 20:11

Abraham a doonaan ee: «Kaa saf’aam ee jegee o leng oxaa saɗarna a Roog no saax leeke, too mexaa layaa yee o tees oo, da mbaraam a njangin.

Mberaand 22:10

Abraham a letna o ɓay um, a xot japil fee, ndax ta xiris o ƥeem.

Mberaand 25:19

Keeke refu a kon ake na xa taan axe Isaak fee o ƥiy Abraham. Abraham rimu a Isaak.

Mberaand 25:6

Abraham a cooxa xa ƥiy axe no keƈ-a-salma ke ten ci’it, too ye ta maadna o ñoowaa, a ɓisa a den maa goƭna a Isaak fee o ƥeem farna fo batand no saax le no batand.

Xa peƭit axe 22:10

Raxi o qaaxaadnax oxe, too xan nqasir ne a ɗeg, ñimatir ne fo a ben ake a ndiim.

Mace 22:13

Maaga, o maad oxaa a laya dag waa yee: ‹Ngumyo xa ƥay axe no kiin oxene fo a caf ake ten, too ndeɓin tafil fee kam o niɓaan ole. Maaga xa lool fo ƈaxrand a ñiiñ a ndefkaa.›

YEGIL MBAAX NE YEESU ne Saŋ a bindtuuna 8:35

O paɗ koy, a paƴ um nqooɗee no mbind no yaal um, ndaa ake no ƥiy o ndime nqe o mat a nqooɗa, too teen a genkaa boo faw.

Galati 3:18

A soƥangaa yee lam ne no kebil ke a reefande, yaaga ndegit ne waagee o tax o kiin a daawin, too naaga a reeƭit’u a ndeer Roog fa Abraham.

Galati 4:7

Yaaga koy, refatiro o paɗ ndaa o ƥiy o ndime, too o refangaa o ƥiy, Roog a doonaang o ref o lam no ke regteena.

1 Piyeer 1:4

fo lam naa waageerna o sooƴ mbaat ta roɗig mbaat ta ñak o mosel um. Ten o mat nu ngeekane toox de na asamaan.

1Saŋ 2:19

Kam in a sutooru, ndaa mbog’ee na in, yaam a mbog’angaa na in tigi, a yoqkooga fa in. Keene a xewa, ndax ta woor a in ee fop mbogee na in.

Haahate we 11:2

Galaad a jeg’a fo o teem itam xa ƥiy xa koor. Ye xa ƥiy axeene a maakna, a ndaxa a Yefta, a layin ee: «Jegkiro a las no lam ne no mbind faap in, yaam kaa o ref o ƥiy no tew o lakas.»