Mberaand 21:1 - NQAARIIT NE ROOG

¹ O Yaal oxe a wetandooxa ke ta reg’ina a Saara, a fi’antin o ten ne ta layit’uuna.

Mberaand 21:1 Iomraidhean Croise

Mberaand 17:16

Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mberaand 17:21

Kaa koy, no ke farna no ngiɓoor es xam damin fa Isaak fee o jegkaa fa Saara na waxtu feeke mbaan.»

Mberaand 18:10

O leng na den a laya yee: «Mbaan na waxtu feeke deŋ, xam nomtooxiid me wo, too xam soƥ Saara fee o teef a jeg o ƥiy o ngoor.» Saara koy, kaa fod’u no ndokand ne no ƭiif ne ten reeƭna cinj ne Abraham, a nan-gilooxaa.

Mberaand 18:14

Ndax a jega kaa xoxna o Yaal oxe. Xam nomtooxiid meen na waxtu feeke mbaan, too xam soƥ Saara a jeg o ƥiy o ngoor.»

Mberaand 24:36

Saara fee o tew no yaal mbind es, kam nogoy ne ten, a rimana o yaal mbind es o ƥiy o ngoor, soo o yaal mbind es a ci o ƥiy onqe ke ta jegna fop.

Mberaand 50:24

Yoseef a laya fog faap we ten ee: «Andaam ee ndiiki um dab daan es. Kaa koy, a woora yee xan Roog a ƴufgiid a nuun, soo a sut a nuun no saax lene, a ɓis a nuun no saax le ta daaɓooxna yee xan a ci’in a Abraham fa Isaak fa Yakoob.»

2 Maad we 4:17

Kaa koy, o tew oxaa a roka o fud soo na mbaan faa na waxtu fa leng kut fee ta ñoot o ƥiy o ngoor, ne Eliise a layit’uuna o ten.

A kim a tedu ke 106:4

O Yaal oxe, wetandooxaam, yaa o yirimkaa xeet of, ba o weecaam, yaa o mucilkan.

A kim a tedu ke 12:6

O Yaal oxe kaa tee: «Ndiiki koy, xam inoox yaam rool we na ñagadileel fo ñaatu we na iinaa, ɓisiid a muc ale we na yakaƥaaran.»

A sutax ale 20:5

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer naa no we sibaxama.

A sutax ale 3:16

Reti fokat maak we Isra’el fop too lay a den ee: O Yaal oxe refna Roog fee no daan we nuun, a ref Roog fee Abraham fa Roog fee Isaak fa Roog fee Yakoob, a feeñooxaxam. Kaa tee: ‹Ga’aam a nuun too andaam ke nu ndooneel Misira.

A sutax ale 4:31

Maaga, a ngima. Ye Ii-isra’el we a andna yee o Yaal oxe a ɗeetiida a den, a ga coono den, a ngooknooxa soo a ngung a lanq.

Mace 24:35

Xan asamaan fo lanq a mbaaf, ndaa fa lay es faafkee boo muk.»

YEGIL MBAAX NE YEESU ne Lik a bindtuuna 1:68

«O Yaal oxe Roog fee Isra’el a hela o simatel, no ke ta fudooxiidna, a watiid xeet um.

YEGIL MBAAX NE YEESU ne Lik a bindtuuna 19:44

Xan a ngefong tuƈ, a saŋik we ngenna me wo, too nqaƴkee na wo muul leng took gend um, yaam andiro waxtu fee xalatooxiidee’oona.»

Galati 4:23

O ƥiy onqe Abraham a jeg’ina fo o teem, kaa gar’u, ndax ke Roog a regit’ina a fadnoox. Kaa koy, o ƥiy onqe o paɗ oxe a rim’ina, jektir’ee dara fo lakas we ndimeena na adna fee.

Galati 4:28

Yaaga koy fog es, xa teɓandoong Roog nu ndefu no ndegit ne, ne Isaak a refit’uuna.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Ruut 1:6

Nowemi a yegta na xa saawit axaa Mowaab ee o Yaal oxe a ƴufgiida xeet um ye ta ci’na a den ndiig mbaax. Maaga, a bufooxa ndax ta nomtoox no saax laa Yudaa, ten fo seemir we ten.

1 Sami’el 1:19

No feet olaa ƥiiɓ cuc, Elkana fo ƥasil um fop a ndeta, a ngung mbaambir no Yaal oxe, a mbaɗooxin, cinj kaaga da nomtoox, a nqaad Rama. Elkana a yoona fa Xaan fee o teem, too o Yaal oxe a jaɓa a qeƭ ake Xaan.

1 Sami’el 2:21

O Yaal oxe a ƴufgiidooga a Xaan, soo ta rokahinaa o fud. Naaga a jeg’a xa ƥiy xa koor xa tadaq fo xa ƥiy xa tew xa ƭaq. Sami’el, o ndeɓandoong onqe o mat, a maakooga mbaambir no Yaal oxe.