Mberaand 2:5 - NQAARIIT NE ROOG

⁵ o mbafid onqe moƴna o neew sax reeƭee took lanq ke, daaƭ leng sax’afulee teen, yaam o Yaal oxe Roog deɓ’afulee too o kiin o leng jeg’afulee ndax ta xoox lanq ke.

Mberaand 2:5 Iomraidhean Croise

Mberaand 2:6

Kaa koy, a buy kaa yoɗoortoogu no lanq ke, boo yaa fop a xuƥna sap.

Mberaand 3:23

O Yaal oxe Roog a raxta a den na ƭing alaa Edeen, ndax da nqooxik lanq ke da ngatna.

Mberaand 4:12

O xooxangaa, lanq ke cooxkirang ke da mbarna o mbat. Xan o ñaaƴaa joqooyooxaa took lanq ke.»

Mberaand 4:2

A dakooxa o rok o fud, soo a ñoot a Abel fee o ndeɓ Kayin. Abel a refa o kaynaak cegel, Kayin a ref o qooxoox.

Ke bindeena no xe ne’eena YOB 5:10

Kaa deɓaa took lanq ke, a heblaa foofi le na xa qol axe.

A kim a tedu ke 104:14

Wo na saxnanaa cegel ke daaƭ le, jolnaa fop ke o kiin a xooxaa. Neene, lanq ke kaa cooxaa a den kaa da ñaamna,

A kim a tedu ke 135:7

Kaa yoɗtaa a eel ake no cat ke no lanq ke, a fi’aa xa kiiñaand, a yurdiid a teƥ ale soo a suttaa nqeñ ne no pand ke ten.

Yeremi 10:12

O Yaal oxe a sakta lanq ke katil um, a sinjit adna fee o and um soo a letnit asamaan fee o jeg-yiif um.

Yeremi 10:13

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keegand ke ten.

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.

Mace 5:45

Nu mbi’angaan, xan nu ndef xa ƥiy Faap nuun fee na asamaan, yaam kaa seeƈanaa faaxeer we fo faaxu we, a deɓanaa jofu we fo jofeer we.

Hebre 6:7

Boo andoona yee lanq a nquƥa sap yaam a ndeɓel ne waritna, soo a sax daaƭ laa jegna o njiriiñ no xe xooxuuna, yaaga a ndaawa na barke fee Roog.