Mberaand 2:4 - NQAARIIT NE ROOG

⁴ Keeke doonoox’u ye lanq ke fa asamaan fee a sakeena. Ye o Yaal oxe Roog a sakna asamaan fo lanq boo a ƴut,

Mberaand 2:4 Iomraidhean Croise

Mberaand 1:1

No mberaand naa Roog a saka asamaan fo lanq.

Mberaand 1:28

Roog a barke’a a den soo a lay a den ee: «Ndimikyo, mayƭand lanq ke, ke ta saqna fop a ref no ɓay nuun: Liƥ ke no maag ole, tiiƭ ke na asamaan fo muumeen ke na ñoowaa took lanq ke, fop no ɓay nuun a ndefkaa.»

Mberaand 1:3

Maaga, Roog a laya yee: «Fat a qoolaand a jeg!» A qoolaand alaa yee dañ.

Mberaand 1:31

Maaga, Roog a ga’a yee ke ta fi’na fop paax oo. A yenga, a feed, ta ref ñaal ɓetuu fa lengandeer ne.

Mberaand 1:4

Roog a ga’a yee a qoolaand ale a faaxa, soo ta dalfoox o xaajin fo o niɓaan ole.

Mberaand 10:1

Keeke ndefu a kon ake na xa taan axe na xa ƥiy axeeke na Nowe: Seem fa Xaam fa Yafet. A ndima xa ƥiy cinj o jaɓ o maak ole.

Mberaand 11:10

Keeke ndefu a kon ake na xa taan axe Seem: Seem a jeg’a xa kiid teemeed, soo a rim a Arpaksad, xa kiid xa ƭaq cinj o jaɓ o maak ole.

Mberaand 2:3

Roog a barke’a ñaal ɓetuu ƭikandeer ne, soo a kesin ta ref bes fa tedu, yaam no ñaal neene a ñootnoox’u no calel ke na sak ale.

Mberaand 25:12

Weeke ndefu xa taan axe Isma’el fee o ƥiy Abraham fa Agaar fee o Miimisira xe reeƭna o ceefeer Saara.

Mberaand 25:19

Keeke refu a kon ake na xa taan axe Isaak fee o ƥiy Abraham. Abraham rimu a Isaak.

Mberaand 36:1

Keeke ndefu a kon ake na xa taan axe Esawu fee xoyoogahineena Edoom.

Mberaand 36:9

Keeke ndefu a kon ake na xa taan Esawu fee o taan no Ee-edoom we, ngenoogna no joong olaa Seyiir:

Mberaand 5:1

Keeke refu safe le na kon ake na xa taan Aadama: Ye Roog a sakna o kiin, a fi’aan ta nand fa Roog.

1 Maad we 18:39

Ye xeet fee fop a nga’na keene, a ngunga a lanq soo a layaa yee: «O Yaal oxe refu Roog! O Yaal oxe refu Roog!»

2 Caloori ke 20:6

A laya yee: «O Yaal oxe Roog fee no daan in, mee ndax wo refu Roog fee na asamaan too wo na maadooxaa took qeet ke na saax ake fop. O ɓay of saqu doole fa katil faa o leng a waageerna o xox.

Ke bindeena no xe ne’eena YOB 38:28

An refu faap na teƥ ale? An na rimnooraa toq a liim?

Ke bindeena no xe ne’eena YOB 38:4

Mam reeƭo, ye um feraa lanq ke? O and of a daawangaan, layeen.

A kim a tedu ke 18:31

A ƭat ale Roog kaa ñak sik, fa lay fee no Yaal oxe a woor. Kaa ref pegoor no fop we na njaɓnooxan.

A kim a tedu ke 86:10

Kaa o magin, too kaa o fi’aa comlaand. Wo soom refu Roog.

A sutax ale 15:3

O Yaal oxe o qir o say oo, ten jare o ne o Yaal oxe.

A sutax ale 6:16

Keeke ndefu a kon ake na xa ƥiy axe Lewi fo xa taan den: Geerson, Kehat fa Merari. Lewi a ñoow’a xa kiid teemeed fo xa kiid qarɓeen tadik fo xa kiid ɓetaa ƭaq.

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

Mbeeñil 11:17

«Wo o Yaal oxe Roog o Cegu katil oxe, in we ngidmang, wo fee refna oxe na maadaa fo xe reeƭna, yaam ne pokooxoona katil maak ne wo soo maadooxaa.

Mbeeñil 16:5

Maaga, nanaam malaaka fee jegna sañ-sañ no poofi ke a lay ee: «Kaa o ted, wo fee refna oxe na maadaa fo xe reeƭna. Kaa o jof yaam ne hate’toona neene.