Mberaand 2:2 - NQAARIIT NE ROOG

² Roog a paanga calel um soo a ñootnoox no ñaal ɓetuu ƭikandeer ne.

Mberaand 2:2 Iomraidhean Croise

Mberaand 1:31

Maaga, Roog a ga’a yee ke ta fi’na fop paax oo. A yenga, a feed, ta ref ñaal ɓetuu fa lengandeer ne.

Mberaand 2:3

Roog a barke’a ñaal ɓetuu ƭikandeer ne, soo a kesin ta ref bes fa tedu, yaam no ñaal neene a ñootnoox’u no calel ke na sak ale.

A sutax ale 23:12

Nu njega pes ɓetuu fa leng kaa nu ci’eena o mbi calel nuun, ndaa na bes fa ɓetuu ƭikandeer fee koy, nu mbara o ñootnoox, ndax qoox nuun fo xa paam nuun a njeg a ñootnax, soo xa ƥiy axe no jeefeer nuun fo xa kataakoon axe a ƥutnoox.

A sutax ale 31:15

Fat nu njalaa pes ɓetuu fa leng ke. Bes fa ɓetuu ƭikandeer fee refna bes fee na ñootnax ale kesaneema koy, o kiin oxuu jaltuuna, fat a warel.

A sutax ale 31:17

Keene xan a ref o anddiloor olaa na refkaa boo faw a ndeer es fa nuun Ii-isra’el we, yaam mi o Yaal oxe saku asamaan fo lanq no pes ɓetuu fa leng, soo na bes fa ɓetuu ƭikandeer fee um paang calel es, ñootnoox.

Esayi 58:13

O Yaal oxe kaa tee: «Boo fañoona o yapatil bes fee na ñootnax ale, ndax ƴufankiro ke feloonga na bes fa tedu fee mi, o xoyangaa bes fee na ñootnax ale bes o ɗaay, ɓoxot bes fee kesaneema o ndam, fañ o jaltin, fañ o ƴufan ke feloonga soo fañ o ñimatireel teen xa koɓong,

YEGIL MBAAX NE YEESU ne Saŋ a bindtuuna 5:17

Yeesu a laya a den ee: «Faap es kaa gen no jalaa, too mi itam mexey no calel.»

A cangatin ale 5:14

Ñaal ɓetuu ƭikandeer ne koy, bes a ñootnax es oo, mi o Yaal oxe Roog of. Wariro jal teen tus, wo fo o ƥeef o ngoor mbaat o ƥeef o ndew mbaat surga of mbaat o mbindaan of mbaat qoox of mbaat o faam of mbaat njegel of nuu ta waagna waag o ref mbaat o gataakoon ole refna no mbind of, ndax surga of fo o mbindaan of a mbaag o ñootnoox nen a wo.

Hebre 4:10

Oxe rokna me wiin we a mbarna o ñootnoorit fa Roog yaam ne da mbadinna calel den, oxe ñootnooxaa, ne Roog a ñootnooraa no ke ten.

Hebre 4:4

A jega maa ta layeena kam a Pind a Tedu ke no kaa farna no ñaal ɓetuu ƭikandeer ne yee: «Roog a ñootnooxa no calel um fop no ñaal ɓetuu ƭikandeer ne.»