Mberaand 19:9 - NQAARIIT NE ROOG

⁹ A laya a Lot ee: «Goƭi mene waay! Kene refu ref ke na layeel. Woxey refa meen o gataakoon boo ƴut, soo bug o ref o kaahate! Cungi rek, yaam ke i ndoonkang na moƴkaa o faaxaƭar.» A ndiña a Lot fa doole, soo a ndigan begax ne na carind ale ndax da ndaƈtin.

Mberaand 19:9 Iomraidhean Croise

Mberaand 11:6

O Yaal oxe a laya yee: «Nga’yo xeet fa leng koŋ! Kaa layaa lak fa leng kut, too keene refu ke da ngebooxna o mbi. Ndiiki koy, dara waagkatee o finq ke da mbosooxna o mbi.

Mberaand 13:12

Abram a gena kam saax le Kanaan, soo Lot a gen kam teeru ke na joor fee, a sip ƭiif ke ten farna fa Sodoom.

A sutax ale 2:14

O koor oxaaga a doonaan ee: «An dodong kelfa bo o hate’aa a in? Ndax kaa o bugaam o war ne wartoona o Miimisira xe?» Moyiis a diida too a laya taa no yiif um ee: «Ga’na koy, tige kaa weej.»

Xa peƭit axe 14:16

O cegu yiif oxe kaa saɗaraa paaxeer, a wootooxan, fanxoy fee mat a foolaa a fi, yaam a foog ee oxey no woor.

Xa peƭit axe 17:12

Xet fo ursu naa xa ƥeem a njangeena moƴu xet fa fanxoy, yaa o ƥodaxel ole ten a garanuuna.

Xa peƭit axe 27:3

Ɓil le kaa naag dis, lanq ke a meɗ, ndaa ñoxole ne na fanxoy fee moƴu meɗ a den.

O baawaare xe 10:13

Fa lay fee na fanxoy fee fop ƭooɗofir oo, a xotit no mberaandoong ne boo no muukandoong ne.

O baawaare xe 9:3

O njakad onqe no ke na xewaa took lanq ke refu yee fop mbogu muj fa leng kut fo itam a qeeñ ake no wiin we mayna fo paaxeer fo ƭof ne refna na den no ñoow o ñis den fop, cinj kaaga, da ndab xon we.

Esayi 65:5

Kaa layaa we da nqettaa yee: ‹Goƭaam de, ba o duqaam ndik o xoolaƭarnaam.› Fuux na damaxam, a gen no kaƥaa kam es, yaa ga’uuma keene fop da mbi’aa.

Yeremi 3:3

Maaga, xañtaaxoong a teƥ ale, too jegatee puyaam seeseek, ndaa kaa o xox no jaga’aa too sediro teen dara.

Yeremi 6:15

Ndax a njega o ndicax no cednooxu ke da mbi’na? Sedee teen dara! Njegee kaa da sedna. Too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.

Mace 7:6

Kuu tedna, ba nu cooxin xa ƥox axe, yaam ndik da ngeleeroox, a lisit a nuun, too ba nu ndeɓ xa peme xe nuun mbaambir a tuul ake, yaam ndik da nduut a den.»

1 Sami’el 17:44

soo a doon teen ee: «Gariidi mene, bo um deɓan tiiƭ ke fo ƥaaɓaan ke cer of.»

1 Sami’el 2:16

O kiin oxe na sadaxtaa a doonangaan ee: «Cungi boog boo neeneer ke a ndoxel, cinj kaaga waagaa o xot ke bugoona», o tiidimle xe no saasadax oxe a layoogaan ee: «Ha’aa, xan o cooxaam ndiiki sax, o fañaan jaɓaan.»

1 Sami’el 25:17

Ndiiki koy, xalaati a paax no ke waroona o fi, yaam o mat a woora yee paaxeer oxe daliidaa o yaal mbind in fo ƥasil um fop. Ten fa xoox um a saqa jiko fa mbaaxeer faa andoona yee o leng waagiran o layan.»