Mberaand 19:3 - NQAARIIT NE ROOG

³ Kaa koy, Lot a saya boo neen a njaɓatu o ndet no mbind um. A fi’ana a den a cu’ax, a juɗan a den puuru canja’e, soo da ñaam.

Mberaand 19:3 Iomraidhean Croise

Mberaand 19:2

Cinj kaaga, a laya yee: «Yaal we mi, ngela ngaryo no mbind no tag nuun, mbe maaga. Feek tige xe yengaa, xan nu mbaag o ƥoganel a caf, mbondoox boo yaa a kid a nqoolna, soo nu sog o suuraa.» A ndoonaan ee: «Ha’aa! No mbelaaƈ onqe i mbe’kaa.»

Mberaand 21:8

O ndeɓandoong onqe a maaka soo a roɓnel. Abraham a fi’a a put a maak a koom alaa Isaak a roɓneena.

Mberaand 24:31

A layaan ee: «Gariidi wo fee o Yaal oxe a barke’na. Xar taxu sax o moof meeke? Jagandanaaxoong maa fe’oona too keeleemb ke wo sax a njega maa da ndefna.»

Mberaand 26:30

Isaak a jawana a den a put, soo da ñaam, a yer.

2 Maad we 4:8

Bes, Eliise a reefa kam Suuneem. A jeg’a maaga koy o tew o qenooxu. A yongnoora a Eliise no mbind um. No kaa xotitna maaga, a mbanuu Eliise a reefiidna no jegel olaaga, maa no tew oxaaga a ñaamtikoogu.

A sutax ale 12:15

«Kaa nu mbar o ñaamaa puuru canja’e boo ñaal ɓetuu ƭik. No ke na xotitkaa no ñaal eetaand ne, waratee o jeg poɗaxnir no pind nuun. O kiin oxuu ñaamna mbuuru naa fuutuurna, no ke xotitna no ñaal eetaand ne boo no ñaal ɓetuu ƭikandeer ne, fat a sutel xeet fee Isra’el.

A sutax ale 12:39

A mbi’a xa kaf xa ƭembet fo qiiw kaa da ƥistiid’ina Misira. Qiiw ke koy, yoɗoox’afulee, yaam kaa ndax’el maaga. Njeg’ee o daaw olaa da ƥislooritna ñaamlax.

YEGIL MBAAX NE YEESU ne Lik a bindtuuna 11:8

Mexe layaa a nuun ee: A inooxangee a cooxin a den sax oo yaam ne oxeene a refna xaariit um, xan a inoox yaam ndik ta wennoor a xoox um, too xan a cooxin fop ke ta soxla’na.

YEGIL MBAAX NE YEESU ne Lik a bindtuuna 14:23

O yaal mbind naa a laya o tag oxaa yee: ‹Reti na ƭat ake fo na xa salit axe, too fi’i fop ndax we o ga’kaa a ndokiid, ndax mbind ne mi a waag o may.›

YEGIL MBAAX NE YEESU ne Lik a bindtuuna 5:29

Maaga, Lewi a xura a Yeesu a put no mbind um, too wiin mayu no waa ndabdinooxoogna juuti fo wiin lakas a ndeera fa den, a ñaamaa.

YEGIL MBAAX NE YEESU ne Saŋ a bindtuuna 12:2

Maaga, Yeesu a jawane a put. Marta diƈiid’u, Lasaar fo lakas a ndeer fo ten.

1 Korint 5:8

Yaaga koy fat i ndoofand xew feene, refee koy fo poɗaxnir kiid mbaat fee no jeg-nof fo coxod, ndaa fo puuru canja’e, a ndef o ñak-sik fo ndigil.

2 Korint 5:14

O mbeq Kiristaa kaa daaw o adin a in, yaam a woora a in ee o leng kut xonanu fop, ta tekit ee fop a nqonta no ten.

Hebre 13:2

Ba nu mbeecit muk ee, nu mbara o ndalnaa we na ngaraa me nuun. Leng-leng we mbesoorna neene, a ndalna malaaka sax too andiran.

Haahate we 6:19

Gedeyon a dalfooxa o ret, a jaw o mbambe, a juɗ puuru canja’e kaa mbi’teena ngap kilo qarɓeen tadik mbiɗel. A yipa a tegeƴ ake kam a cenjel, diwliin fee hatna teen ta yipin na tokol, a ɓisiidin a malaaka fee ɗuga ngariñ naa, a cooxin o ten.

1 Sami’el 28:24

O tew oxe a jeg’a no mbind um o nqeel onqaa ta hud’ina. A ñofaan o war, a xot mbiɗel, a xiiwin, a juɗ teen xa kaf xa canja’e.