Mberaand 16:7 - NQAARIIT NE ROOG

⁷ Malaaka no Yaal oxe a soƥa a Agaar paam a cur foofi kam a koƥ-a-ƥor alaa, na cur alaa refna paam a ƭat alaa jofna Suur.

Mberaand 16:7 Iomraidhean Croise

Mberaand 20:1

Abraham a inoora no jegel olaa ta reeƭna ndax ta ret no ɓemb-roog o ñamaak. A dala ndeer Kades fa Suur. A reta Geraar, a refaa maaga o gataakoon.

Mberaand 21:17

Roog a nana xa buuq axe no goor ole. Malaaka fee no Yaal oxe a foda na asamaan, a xoy a Agaar, a layin ee: «Agaar xar oo? Ba o saɗar dara, yaam Roog a nana xa buuq axe no goor ole meene ta refna sax.

Mberaand 21:18

Inooxi, xot o goor ole, damin o ɓay, yaam xam fi xeet fa maak a faqaqoor no ten.»

Mberaand 21:19

Roog a weta a kid ake Agaar soo ta ga a ngas foofi, a reta a ƴeew mboxos ne, soo a ci o goor ole ta yer.

Mberaand 22:11

Maaga, malaaka no Yaal oxe a foda na asamaan, a xoy a Abraham, a layin ee: «Abraham! Abraham oow!» Abraham ee: «Oow!»

Mberaand 22:15

Malaaka fee no Yaal oxe a foda na asamaan, a xoy a Abraham jaf ɗikandeer,

Mberaand 24:7

O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.

Mberaand 25:18

We mbaqaqoorna na Isma’el a ngena me xotitna Hawila boo no saax laa Suur jasnoorna fa Misira yaa o retaa Asuur. Isma’el a ñoowooga no njofooraƭar fo fog um.

Mberaand 31:11

Malaaka fee Roog a layaxam no ƭaaɗ ee: ‹Yakoob!› Um jaaɓin ee: ‹Oow!›

A sutax ale 15:22

Cinj kaaga, Moyiis a hebla Ii-isra’el we da ndiƈatoox a Kal alaa no xeet le, a njagin farna fa koƥ-a-ƥor alaa ne’eena Suur. A ñaaƴa ñaal tadik kaa da nga’eerna foofi fo yerel.

A sutax ale 3:2

Maaga, malaaka fee no Yaal oxe a feeñooxaan kam ƈulfaan fiɗel laa refna ndeer ee ndeer ngol. Moyiis a deɓa a kid um too a ga’a ngol ne a jirjirnaa fa fiɗel too waagee o sooy.

Xa peƭit axe 15:3

A kid no Yaal oxe kaa nga’aa muu refna, ta horooxaa faax we fo soxodu we.

1 Sami’el 15:7

Sawul a refa no xawtaa Aa-amalek we no jegel olaa Hawila boo na coonand alaa na koƥ-a-ƥor alaa Suur jasnoorna fa Misira.