Mberaand 16:5 - NQAARIIT NE ROOG

⁵ Maaga, Saarayi a laya a Abram ee: «Fat a naxax ake um naxooxel a yen took of. Cooxaaxoong o ceefeer es, o yoon fo ten, too ye ta ga’na yee a roka o fud a refata no ɗeetaxam a ngid a pariƴ. Yaasam o Yaal oxe a hate a ndeer es fa wo.»

Mberaand 16:5 Iomraidhean Croise

Mberaand 16:4

Abram a yoona fa Agaar soo ta rok o fud. Ye Agaar a ga’na yee o fud a saqu, a dalfooxa o ɗeetataa a Saarayi fee o yaal um a ngid a pariƴ.

Mberaand 31:53

Yaasam Roog fee Abraham fa Nakoor a ref o seede a ndeer in.» Maaga, Yakoob a daaɓooxa na Roog fee sendnoor’ina a Isaak fee faap um.

2 Caloori ke 24:22

O maad Yowaas a weec’a boog o mbeq onqe Yehoyada fee faap Sakari a jeg’ina no ten soo a warnoor o ƥeem. Ye Sakari a xonaa, a laya yee: «Yaasam o Yaal oxe a ga ke na xewaa too a xawong.»

A kim a tedu ke 35:23

Roog es fo o Yaal es, inooxi ndax o ɓoxotaam ɓur, yokooxi ndax o fartaam.

A kim a tedu ke 43:1

Wo Roog, ɓoxotaam ɓur, fartaam no gimaƭaru we, muclaam no maamaaɓ we fo no fiifi paaxeer we!

A kim a tedu ke 7:8

Fat qeet ke fop a ndeerong, o moof took uum-maamaad le wo, garit a den took.

A sutax ale 5:21

A laya a den ee: «Yaasam o Yaal oxe a doon a ngid um took nuun too a hate a nuun, yaam kaa nu ngoƥat a in fa Firawon fee fo dag we ten, coox a den laƥ na xa ƥay den, ndax da saŋik a in.»

Yeremi 51:35

Yaasam a ƭom-yedar ale fo pariƴ ke Babilon a fi’axama a yen took um! Yaasam fo’oy es a yen took we ngenna Kalde!» Xeet fee genna Siyoŋ layun.

Haahate we 11:27

Mi o mat tooñiroong, wo kañ na fesooraa fa mi naa faaxeerna tee kaa o xire’iidaa fa mi. Yaasam o Yaal oxe refna o kaahate, a hate xaye a ndeer Ii-isra’el we fo Aa-amon we.› »

1 Sami’el 24:16

Koo yaasam o Yaal oxe a ref o kaahate in, a horoox, a fartaam, a ɓoxotaam ɓur soo a muclaam na xa ƥay of.»