Mberaand 16:4 - NQAARIIT NE ROOG

⁴ Abram a yoona fa Agaar soo ta rok o fud. Ye Agaar a ga’na yee o fud a saqu, a dalfooxa o ɗeetataa a Saarayi fee o yaal um a ngid a pariƴ.

Mberaand 16:4 Iomraidhean Croise

Mberaand 16:3

Maaga, Saarayi fee o tew Abram a janga a Agaar fee o Miimisira xe refna ref o ceefeer um, a cooxin a Abram fee o kor um a cinj ye da ngenna xa kiid xarɓaxay kam saax laa Kanaan.

Mberaand 16:5

Maaga, Saarayi a laya a Abram ee: «Fat a naxax ake um naxooxel a yen took of. Cooxaaxoong o ceefeer es, o yoon fo ten, too ye ta ga’na yee a roka o fud a refata no ɗeetaxam a ngid a pariƴ. Yaasam o Yaal oxe a hate a ndeer es fa wo.»

Mberaand 19:31

Maaga, taaw fee a laya o ndeɓ um ee: «Me ta refna de faap in a nogoya, too o koor o leng oxaa waagna wondoox fa in ne fop a mbi’tan refee meeke.

Mberaand 21:9

Saara a ga’a o ƥiy o ngoor onqe Agaar fee o Miimisira xe a rim’ina fa Abraham ta xaadnooxaa a Isaak.

Mberaand 30:4

A cooxaan a Bilha fee o ceefeer um, soo Yakoob a yoon fo ten.

2 Sami’el 6:16

Ye arka ne no Yaal oxe a rokiidaa na Ƥak ale Dawid, Mikal fee o tew Dawid, a ref o ƥiy Sawul a wootnoorta no falangteer olaa. Maaga, a ga’a o maad Dawid a foolaa, a fecaa mbaambir no Yaal oxe, too a dalfooxaan o xeef no xeeñ um.

Xa peƭit axe 30:23

o tew o sibe xaa dolooxatna fo o ceefeer oxaa hupatna o yaal mbind um o tew.

1 Korint 4:6

Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.