Mberaand 16:3 - NQAARIIT NE ROOG

³ Maaga, Saarayi fee o tew Abram a janga a Agaar fee o Miimisira xe refna ref o ceefeer um, a cooxin a Abram fee o kor um a cinj ye da ngenna xa kiid xarɓaxay kam saax laa Kanaan.

Mberaand 16:3 Iomraidhean Croise

Mberaand 16:16

Abram a jeg’a xa kiid qarɓeen ɓetuu tadik fo xa kiid ɓetaa fo leng ye Agaar a rimanuuna a Isma’el.

Mberaand 16:4

Abram a yoona fa Agaar soo ta rok o fud. Ye Agaar a ga’na yee o fud a saqu, a dalfooxa o ɗeetataa a Saarayi fee o yaal um a ngid a pariƴ.

Mberaand 16:5

Maaga, Saarayi a laya a Abram ee: «Fat a naxax ake um naxooxel a yen took of. Cooxaaxoong o ceefeer es, o yoon fo ten, too ye ta ga’na yee a roka o fud a refata no ɗeetaxam a ngid a pariƴ. Yaasam o Yaal oxe a hate a ndeer es fa wo.»

Mberaand 21:21

Na koƥ-a-ƥor alaa Paaraan a gen’u, soo ya um a waaƭanin o tew o Miimisira.

Mberaand 25:6

Abraham a cooxa xa ƥiy axe no keƈ-a-salma ke ten ci’it, too ye ta maadna o ñoowaa, a ɓisa a den maa goƭna a Isaak fee o ƥeem farna fo batand no saax le no batand.

Mberaand 28:9

Naaga, Esawu a reta maa Isma’el. A gilgita maaga, fogreerna fo rew we ta jeg’ina, a Mahalaat fee o ƥiy Isma’el fee o ƥiy Abraham, too a ref itam o cigeen Nebayot.

Mberaand 30:4

A cooxaan a Bilha fee o ceefeer um, soo Yakoob a yoon fo ten.

Mberaand 30:9

Ye Leya a ga’na yee fa ndim um kaa geenoox, a janga a Silpa fee o ceefeer um, a cooxin a Yakoob nen o teem.

Mberaand 32:22

Ci’it ne a adooxaan, soo ten o mat ta fe no saŋe naa no yeng olaaga.

Mberaand 35:22

Ye Isra’el a genna no jegel olaaga, Ruben a reta, a wondoox fa Bilha fee ngeƈ-a-salma ne faap um. Faap um a yega kaaga. Xa ƥiy axe Yakoob xarɓaxay fo ɗik a ndeeƭu.

2 Sami’el 5:13

Yaa Dawid a inoorna Hebron, a gar Yeerusaleem, a waaƭahina maaga keƈ-a-salma, a gilgit maaga rew, a jeg fa den xa ƥiy xa koor fo xa tew.

1 Maad we 11:3

Neene, Salomo a jeg’a rew lingeer teemeed ɓetuu ƭik fo keƈ-a-salma teemeed tadik. Rew weene mat ƈax’un nof.

Galati 4:25

O Joong olaa Sinayi no saax laa Arabi refu Agaar. A nanda fa Yeerusaleem fee ndiiki refna no mbaƭ, ten fo xa ƥeem.