Mberaand 13:1 - NQAARIIT NE ROOG

¹ Abram a nomtoortiida Misira, a sag no ɓemb-roog o ñamaak ole Kanaan, ten fo o teem fo ke ta jeg’ina fop. Lot a yoona fo ten.

Mberaand 13:1 Iomraidhean Croise

Mberaand 20:1

Abraham a inoora no jegel olaa ta reeƭna ndax ta ret no ɓemb-roog o ñamaak. A dala ndeer Kades fa Suur. A reta Geraar, a refaa maaga o gataakoon.

Mberaand 21:33

Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

2 Sami’el 24:7

A suura boo no saŋe naa Tiir fo no teeru ke no Hiihiwi we fop fo ke no Kaakanaan we, a mbaasooxan a Beer-Seeba farna fo ɓemb-roog o ñamaak no fiisel olaa Yudaa.

A lim ale 13:17

Ye Moyiis a lulaa goor weene, ndax da ngorook saax le Kanaan, a laya a den ee: «Fat nu ndoktin no ɓemb-roog o ñamaak, cinj kaaga nu ŋaay took xa coong axe.

Yosuwe 10:40

Yosuwe a jaɓa saax laa fop. A xawa maad we no jegel ole na xa coong axe, we no jegel ole no ɓemb-roog o ñamaak, we no jegel ole na yulanq ake mbarna no mudand fo we no jegel ole na pudnand ake mbarna no batand. Xaƴoogee o leng ta daɗ, ndaa kaa waroogu oxuu na haaƭaa ne o Yaal oxe Roog fee Isra’el a heblit’uuna o ten.

Yosuwe 18:5

Fat a nqaaj saax le a qaaj ɓetaa ƭaq. Xa taan axe Yudaa o mat fat a yoq no fiisel ole den no ɓemb-roog o ñamaak, soo axe Yoseef a yoq no fiisel den no ɓemb-roog o janoon.

1 Sami’el 27:10

Mbanuu Akiis a laamit’ina a Dawid ee: «Mam nu ñoxortik’e xaye?», Dawid a doonoogaan ee: «No ɓemb-roog o ñamaak olaa no fiisel olaa Yudaa» mbaat «No ɓemb-roog o ñamaak olaa no fiisel olaa no Yeeyerahmel waa» mbaat «No ɓemb-roog o ñamaak olaa no fiisel olaa no Keekeni waa.»