Mberaand 12:3 - NQAARIIT NE ROOG

³ We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Mberaand 12:3 Iomraidhean Croise

Mberaand 18:18

Xan Abraham a ref o taan no xeet fa maak fa njegu doole, too qeet ke no lanq ke fop no ten a mbarke’itkeel.

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Mberaand 24:35

O Yaal oxe a barke’a o yaal mbind es, too o kiin o maak oo ndiiki. O Yaal oxe a ci’aan a ked fo xa siir, xaaliis fa wurus, dag fo jeefeer, keeleemb fo xa paam.

Mberaand 25:11

A cinj fa nqon fee Abraham, Roog a barke’a a Isaak fee o ƥeem gen’atna paam a ngas alaa Laxay-Ro’i.

Mberaand 26:29

Daaɓooxi yee fi’kiro a in paaxeer leng ne i toroxandteeroonga, a refangee o mbi’anong paax rek, soo nqaƴong o ret na jam. Ndiiki koy, o Yaal oxe a barke’aang.»

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

Mberaand 27:29

Yaasam qeet a ƥoxotoox na wo, a saax ake a ngungaa mbaambir of! Yaasam o ref o yaal no fog of, we fogtoona yaay a ngungaa mbaambir of. Yaasam oxuu salooxoonga a salooxel, soo oxuu xeɗanoonga barke a barke’el!»

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Mberaand 30:27

Laban a layaan ee: «A soƥangaa yee daawaam yirmande of, yoqi mene. Kaam layel no mbeeñil ee wo taxu o Yaal oxe a barke’aam.»

Mberaand 30:30

O ndik onqe jeg’oona eetaand, ga’aa ne ta ɓaatoorna, too o Yaal oxe a barke’aang no kaa xotitna no ñaal naa rokiiduuma no mbind of. Ndiiki koy, a mban um jalankaa ƥasil es?»

Mberaand 39:5

No kaa xotitna yaa Potifaar a dalnuuna no mbind um, a doxnin o jeg um fop, o Yaal oxe a barke’a mbind Potifaar yaam Yoseef. Barke fee no Yaal oxe a reeƭa no fop ke Potifaar a jegna, ta ref no mbind ne, ta ref na xa qol axe.

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

A sutax ale 23:22

Mi o Yaal oxe, mexe layaa a nuun ee nu nananangaan fo ngor, mbi ke hebluuma a nuun, xam ref o pañ no fañ nuun soo ref o noon no noon nuun.

A lim ale 24:9

Xeet feene kaa nand nen njogoy, nen njogoy ƥasil naa o leng a saɗeerna o yok, yaa ta wondooxna. Oxuu barke’oonga, xan a barke’el, ndaa oxuu salooxoonga, xan a salooxel.»

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Mace 25:45

Xan a doon a den ee: ‹No ndigil, mexe layaa a nuun ee: Ke nu mbi’aneerna o leng oxe moƴna o neew no fog es wene fop, mi nu mbi’aneerun.›

YEGIL MBAAX NE YEESU ne Lik a bindtuuna 24:27

Maaga, Yeesu a tektana a den ke lay’eena no kaa farna no ten kam a Pind a Tedu ke fop, a eetit na safe ke Moyiis boo a suur na safe ke no duleer we fop.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

Galati 3:8

A Pind a Tedu ke a laya yaaga yee xan Roog a ɗeet we ndefeerna Yaawuur nen jofu yaa da ngimna. Ten taxu Roog a yegna a Abraham yegil mbaax ne, ye ta layna yee: «Qeet ke fop na wo a mbarke’itkeel.»

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.