Mberaand 11:6 - NQAARIIT NE ROOG

⁶ O Yaal oxe a laya yee: «Nga’yo xeet fa leng koŋ! Kaa layaa lak fa leng kut, too keene refu ke da ngebooxna o mbi. Ndiiki koy, dara waagkatee o finq ke da mbosooxna o mbi.

Mberaand 11:6 Iomraidhean Croise

Mberaand 11:1

We no lanq ke fop lak fa leng kut a layoogu, a njiriiñooraa xa ƭelem xa leng kut axe.

Mberaand 3:22

O Yaal oxe Roog a laya yee: «Ndiiki koy, o kiin oxe a nandata nen o leng na in, took o and paax fo paaxeer. Yaaga boog, fat i nqañtin ta duq ndaxar ne no ñoow ole, yaam ndik ta moɗ xa tim axe ten, soo a ñoowaa boo kili.»

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mberaand 9:19

Xa ƥiy xa tadaq axeene na Nowe axu qeet ke na adna fee fop.

1 Maad we 18:27

Farna fa waxtu njeeƈ ndeer xoox, Eliya a xaadnooxa a den, a lay ee: «Mbalalooxyo a maak, feek roog a refu, xeƈa kaa xalaataa lakas mbaat ta fiiq mbaat ta ñaaƴik. A waaga o ref itam ee kaa ɗaanaa, too nu mbaraan o yok.»

O baawaare xe 11:9

Wo o ndeɓandoong onqe, felakinooxi no ndeƥandoong of. Fat xeeñ of a ɗaay no njaaƈ of. Reefi ke xeeñ of a bugna fo ke a kid of a yuxmaa, ndaa fat o yeg fo and ee no keene fop xan Roog a hate’ong.

Amos 4:7

Doonaam teen xañ a nuun a teƥ boo a qool a tadak no ndiig, deɓan saax, xuur le ta detoorna, o qol a deɓel, ole ta detoorna a ga’aƭar o ndoq, duufe um fop a weer.

YEGIL MBAAX NE YEESU ne Lik a bindtuuna 1:51

A fi’a a pi katil fo a naax um, a pasar we magnandooxna na qeeñ den.

A pi ake 17:26

No kiin o leng a saktu qeet ke fop, a dalin a den na adna fee fop. Xeet fuu refna, ta hapanin camaane, a ɗeganin me ta warna o gen.

Haahate we 10:14

Ƈufginookyo boog roog ke nu njilna. Fat a mbat a nuun kam naqad nuun!»