Mberaand 11:5 - NQAARIIT NE ROOG

⁵ O Yaal oxe a fudooxiida ndax ta ga teeru fee fo taax-took ne wiin we a maxoogna.

Mberaand 11:5 Iomraidhean Croise

Mberaand 18:21

Ten taxu xam ɗeetik boo and ndax kaa da mbesoor deŋ nen fangax le fadiidna boo me mi. A reftangee neene xam and.»

A kim a tedu ke 11:4

O Yaal oxe xey no Mbind tedu ne ten, uum-maamaad um a ref na asamaan. A kid um kaa nga’aa fop soo ta horooxaa wiin we.

A sutax ale 19:11

Boo ñaal ndadkandeer ne a fadiidaa, fat a soƥ da ƈut, yaam taaga um fudooxiidkaa took o joong ole Sinayi, too xeet fee fop xan a nga’aam.

A sutax ale 19:18

O joong olaa Sinayi kaa suunoogu naa ta fodeena fop, yaam o Yaal oxe kaa fudoox’u taaga kam fiɗel. Fo suun olaaga kaa yoɗoortoogu nen fo suun ndoxand, too o joong olaa fop kaa sendoogu fa doole.

A sutax ale 19:20

O Yaal oxe a fudooxa took o joong olaa Sinayi, a xoyit a Moyiis maaga, too Moyiis a dabaan.

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

YEGIL MBAAX NE YEESU ne Saŋ a bindtuuna 3:13

O leng mosee o ŋaay na asamaan, a refangee oxe fudooritna na asamaan, ta ref o Ƥeenqe no kiin oxe genna na asamaan.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.