Mberaand 11:4 - NQAARIIT NE ROOG

⁴ A layrahina yee: «Fat i max teeru, taax-took naa o jul ole a bugko duqaa asamaan fee. Maaga, xan i njeg gon, too i pasarooxkee took lanq ke fop.»

Mberaand 11:4 Iomraidhean Croise

Mberaand 6:4

Na jamaane faaga, wiin fodu ne sabab a ndeeƭa took lanq ke. Ye xa ƥiy xa koor axe Roog a ngiligna xa ƥiy xa tew axe no wiin we boo a ndim fa den xa ƥiy, weene ndeeƭu a salma-koor ake yaa fa yaaga.

2 Sami’el 8:13

Dawid a moƴ’a o jeg gon, ye ta waritna Ee-edoom cuni xarɓaxay fo cuni ɓetuu tadik we na yulanq alaa no fo jem olaa, a soƥ ta xaw Aa-araam we, boo a gataa.

A kim a tedu ke 107:26

Kaa koloogu took, a mbudooxaa no qooƭ ke, kam den a fag yaam coono ke no maag ole,

A kim a tedu ke 92:9

Wo o Yaal oxe, wo gartu fop took boo faw.

Xa peƭit axe 10:7

O cofu xe weeckaand boo muk, a kon no soxodu we mat kaa ñufaa ɗuƭ.

Yeremi 51:53

Babilon a yoɗoox’angaa boo na asamaan sax, a sip’angaa saŋe um took-ee-took boo waagaand o daaw, hebliidkoogaam yaayaq waa ndaawuuna.» O Yaal oxe layun.

Dañel 4:11

A falalooxa fa doole yee: ‹Mbuuɓyo ndaxar ne, ngod a naaq ake, ƥoor saqit le, mboq xa tim axe, pasar a den! Fat muumeen ke yookooxna teen a ƈuf, tiiƭ ke a yetit na naaq um!

Dañel 4:22

Xan o raxtel a ndeer no wiin we, genik fo muumeen-a-koƥ ke, ñoowtaa daaƭ nen qoox ke, soo liim le a yenaa took of. Xan a refit neene boo xa kiid ɓetaa ƭaq boo yaa o andkaa yee Roog fee Took-ee-took kelfa’u maat ke no wiin we soo a ci’an oxuu feluuna.

Dañel 4:27

too a laya yee: «Ndax meeke refee Babilon fa maak fee maxtuuma doole es, ta ref teeru no maad fee mi, a laltaa o niwel es fo o ndam es?»

Dañel 4:30

Ndak fo ndak, fa lay faaga a fadnooxa. Nebukadnesaar a raxte a ndeer no wiin we, a ñoowtataa daaƭ nen qoox ke, soo liim le a yenaa took um. Wiil um kaa jigid’atu boo nen a naf a canjiik, soo paambaañ um a njigdit nen paambaañ ndiiƭ.

YEGIL MBAAX NE YEESU ne Lik a bindtuuna 1:51

A fi’a a pi katil fo a naax um, a pasar we magnandooxna na qeeñ den.

YEGIL MBAAX NE YEESU ne Saŋ a bindtuuna 5:44

Kaa koy, nam nu mbaagu o ngimit sax, nuun we na ƈufanaa o ndam o ngatu no wiin we, mbañ o naaɓ o ndam o ngatu na Roog?

A cangatin ale 1:28

Ndiiki koy, xar i mbaaƭkaa maaga? Fog in a ƥutanda njambaar in, ye da layna yee: Xeet faaga moƴu o may a in soo a ngup a in took. Teeru ke den kaa magin soo a saŋe’el boo na eel akaa, too i nga’a maaga sax xa taan axe Anak.›

A cangatin ale 4:27

Xan o Yaal oxe a pasar a nuun a ndeer qeet ke, nu ndefat o yoqatin o ndutuuñ na saax ake o Yaal oxe a ɓiskaa a nuun.

A cangatin ale 9:1

«Nuun Ii-isra’el we, nan-gilooxyo! Ndiiki nu nqaañ o xuluɓ ole Yordaan, ndax qeet kaa moƴna o may a nuun, a ngup a nuun doole soo njaɓ teeru maak ke den saŋe’eena boo na eel akaa.