Mberaand 1:9 - NQAARIIT NE ROOG

⁹ Roog a laya yee: «Fat poofi ke ndefna ɗuga asamaan fee a mbokatoor o mbiñ o leng soo beeru ke a feeñ.» Kaaga a jegta naaga.

Mberaand 1:9 Iomraidhean Croise

Mberaand 1:8

A qul ale, Roog a ne’aan asamaan. A yenga, a feed, ta ref ñaal ƭikandeer ne.

Nehemi 9:6

Wo doŋ refu o Yaal oxe! Wo fi’u asamaan fee, asamaan fee took-ee-took fo katil ke ten fop, lanq ke fo ke refna teen fop, xa maag axe fo ke da mbofna fop. Wo na ñoownaa ke sakeena fop, too katil ke na asamaan mbaambir of a ngungaa.

Ke bindeena no xe ne’eena YOB 26:10

Kaa fiis a keeriit took juwaam fee, ta wid lanq ke, maa a qoolaand ale a suptoortaa o yeng.

Ke bindeena no xe ne’eena YOB 26:7

Ten letnu asamaan fee took tus, lanq ke, ta diƈ a den took dara.

A kim a tedu ke 104:3

sip ngenand of took poofi ke took-ee-took. A eel ake ndefu a sareet of, o ñaaƴaa took a nafir ake no nqeñ ne.

A kim a tedu ke 33:7

A fokata poofi ke no maag ole nen foofi kam mboxos, juwaam fee, ta soɗin no pand.

A kim a tedu ke 95:5

Ten jegu o maag ole itam, yaam ten sakun fo lanq ke ta sakitna xa ƥay um.

O baawaare xe 1:7

Xa quluɓ axe fop no maag ole a caarooxaa, ndaa taxee ta may. Poofi ke kaa ngen no nomtooxaa me xa quluɓ axe a nqaytaa nqayit.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Yoona 1:9

Yoona a doona a den ee: «O Hebre refum, saɗar o Yaal oxe refna Roog fee na asamaan, sakna o maag ole fa jeeri fee.»

2 Piyeer 3:5

Yaaga fop oo de, kaa fel weene da mbeecit ee na pexey fa lay fee Roog, asamaan fee a feeñtu, lanq ke a mbeeñit na foofi le da ndeeƭna.

Mbeeñil 10:6

A daaɓoorta oxe na ñoowaa bo na moos boo moos. Oxeene refu oxe sakna asamaan fo ke ta moŋna, a sak lanq ke fo ke ta moŋna, a sak o maag ole fo ke ta moŋna. Malaaka fee a daaɓooxa yee: «A cung jegkatee!