Mberaand 1:3 - NQAARIIT NE ROOG

³ Maaga, Roog a laya yee: «Fat a qoolaand a jeg!» A qoolaand alaa yee dañ.

Mberaand 1:3 Iomraidhean Croise

Mberaand 2:4

Keeke doonoox’u ye lanq ke fa asamaan fee a sakeena. Ye o Yaal oxe Roog a sakna asamaan fo lanq boo a ƴut,

Ke bindeena no xe ne’eena YOB 36:30

Kaa ɓalañnaa xa kiiñaand um me widuuna, qooƭ ke no maag ole, ta muur a den.

Ke bindeena no xe ne’eena YOB 38:19

Taa a ƭat ale na ɓisaa no ngenand ne na qoolaand ale? O niɓaan ole mat, mam a faqaqooru?

A kim a tedu ke 104:2

huloox a qoolaand nen pay. Kaa o letin asamaan fee nen ƭiif,

A kim a tedu ke 118:27

O Yaal oxe refu Roog too kaa meleƈnaa took in a qoolaand um. Pokooxyo a naaq, mbumbaayaa, mbi a yaj boo na xa can axaa no sadaxand ole.

A kim a tedu ke 148:5

Fat da simat gon le no Yaal oxe, yaam kaa lay o ɗelem o leng rek, da sakoox.

A kim a tedu ke 33:6

Na pexey fa lay o Yaal oxe a saktu asamaan, soo ke refna teen fop, ta saktin haaƭ le no don um.

A kim a tedu ke 33:9

yaam kuu ta layna ta jeg. Kuu ta heblitna ta sakoox.

A kim a tedu ke 97:11

A qoolaand ale kaa meleƈaa took no jofu we, o ɗaay a may no we a qeeñ den a njofna.

Esayi 45:7

Mi na fi’aa a qoolaand soo sak o niɓaan. Mi na ɓisiidaa baneex soo oraa naqad. Mi o Yaal oxe, mi na fi’aa keene fop.

Esayi 60:19

Njeeƈ ne refkatee a qoolaand of no ñaal ne, too a qoor ale refkatiran no yeng ole, yaam mi o Yaal oxe Roog of, xam xoolandang kili soo fudin took of meleƈ es fop.

Mace 8:3

Yeesu a letna o ɓay um, a duqin, too a lay ee: «A felaxam, xooli!» Ndak fo ndak, a tik-a-maak alaa ten a xoola.

YEGIL MBAAX NE YEESU ne Saŋ a bindtuuna 1:5

A qoolaand ale koy, kaa dalfoox o naagit dañ kam o niɓaan ole, too o niɓaan ole waag’iran o ñuf.

YEGIL MBAAX NE YEESU ne Saŋ a bindtuuna 1:9

A qoolaand aleene koy reeƭu a tiindigil ale andoona yee kaa gar a xooland o kiin oo kiin ye ta rokiidna na adna.

YEGIL MBAAX NE YEESU ne Saŋ a bindtuuna 11:43

Yaa ta layna kaaga boo a ƴut, a doona teen a maak ee: «Lasaar, sutooxiidi!»

YEGIL MBAAX NE YEESU ne Saŋ a bindtuuna 3:19

O nanangaa hate faaga koy, kaa ye a qoolaand ale a garna na adna fee, wiin we kaa nqaƴin, a njil o niɓaan ole, yaam a pi den kaa mbaaxaƭar.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Efees 5:14

Yaam kuu feeñleena a qool qac, a qoolaand a refataa. Ten taxu ta layeel ee: «Yokooxi, woxe na ɗaanaa, inoox a ndeer no xon we, too xan Kiristaa fee a xoolandong.»

Efees 5:8

Yaaga, kaa nu ndeeƭu kam o niɓaan ole, ndaa ndiiki nu ndefata kam a qoolaand ale, yaam ne nu mbogna no Yaal oxe. Ten taxu, ñaaƴityo nen waa mbogna na qoolaand ale.

1 Timote 6:16

Roog soom xonkeeru. Kaa gen na qoolaand alaa o leng a waageerna o fad. O leng mosiran o ga, too o leng waagiran o doon a ngid sax. O ten soom jegu o niwel fa katil mbagkeer. Amiini.

1Saŋ 1:5

Ke i njangitna no ten, i yegnaa a nuun. Ten refu yee Roog a qoolaand oo, too o niɓaan o leng refee no ten.

1Saŋ 2:8

Kaa koy, a refa itam kebil nqas naa um bindaa a nuun, yaam ndigil a reeƭu no ñoowooƭ Yeesu, a ref ndigil itam no ñoowooƭ nuun, yaam o niɓaan ole xe faafaa, soo a qoolaand ndigil ale a meleƈiidaa.