Maaga, a xeɗa mbaambir no Yaal oxe yee: «O Yaal oxe, wo Roog fee Isra’el, wo fee pindel yeeyetax ke a ndeegooxna uum-maamaad le wo, wo soom refu Roog fee no maat ke na adna fee fop, too wo saku asamaan fo lanq.
O Yaal oxe Roog fee Isra’el sakna asamaan fo lanq a hela o simatel, yaam a ci’a o maad Dawid o ƥiy o njegu yiif fo o and fo a qalaat a paax too a ƴiƴ boo a waag o maxanaa o Yaal oxe Mbind soo a maxan a xoox um mbind no maad.
Wo doŋ refu o Yaal oxe! Wo fi’u asamaan fee, asamaan fee took-ee-took fo katil ke ten fop, lanq ke fo ke refna teen fop, xa maag axe fo ke da mbofna fop. Wo na ñoownaa ke sakeena fop, too katil ke na asamaan mbaambir of a ngungaa.
yaam no ñaal ɓetuu fa leng sakum a asamaan fo lanq fo o maag ole fo fop ke refna teen, mi o Yaal oxe, soo ñootnoox no ñaal ɓetuu ƭikandeer ne. Ten taxu, mi o Yaal oxe, um barke bes fee na ñootnax ale, tedlandin.
«O Yaal oxe Hupna fop, wo Roog fee Isra’el, wo fee pindel yeeyetax ke a ndeegooxna uum-maamaad le wo, wo soom refu Roog fee no maat ke na adna fee fop, too wo saku asamaan fo lanq.
Yoɗyo a kid nuun took too ƭeet! An saku kene fop? Ten refu oxe na fokataa a den ne da mbodeena fop. Kaa xoyaa a den fop, oxuu refna ta taar no gon um na pexey sañ-sañ um fa maak fa doole um fa njegu katil. Jegee o leng na den oxaa ta weecna.»
Ndax kaa andino? Ndax kaa nanino? O Yaal oxe refu Roog bo na moos boo moos. O ten saku adna fee, a xotit no cat boo no cat. Naagee o xijaa, too doole um wañooxkee muk. O leng waagee paang o jeg-yiif um fop.
Roog o Yaal oxe sakna a asamaan fo o yaajel um, a fiis lanq ke fo ke saxna teen fop, a coox xeet fee ngenna teen haaƭ, a ci yiif fop we na ñaaƴaa teen, kaa tee:
Keeke o Yaal oxe refna o baawat of, a moolong no fud ya of, a layu: «Mi saku ke jegna fop. Mi letnu asamaan fee, mi soom, letin lanq ke, too o leng dimle’iraam.
O Yaal oxe saku asamaan fee, ten refu Roog fa leng kut fee fiisna lanq ke, a sip a den soo a saƭkand a den koŋ. Sakee a den koy, ndax da yoq o ƥor, ndaa ndax da ngenel. Ndiiki keeke a layu: «Mi refu o Yaal oxe. Jegee roog fa lakas.
Xar taxu o weecaa o Yaal oxe sakoonga, a letin asamaan fee soo a sinj lanq ke, soo sendaa yaam diid bes fuu refna mbaambir fuux maak le no ñaañagadil oxe inooxanoonga, ndax ta yaqong? Kaa koy, xar yoqatu no fuux um?
Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.
«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.
Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.
A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.
In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.
A daaɓoorta oxe na ñoowaa bo na moos boo moos. Oxeene refu oxe sakna asamaan fo ke ta moŋna, a sak lanq ke fo ke ta moŋna, a sak o maag ole fo ke ta moŋna. Malaaka fee a daaɓooxa yee: «A cung jegkatee!
Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»
Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.
«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.
