Mark 9:7 - NQAARIIT NE ROOG

⁷ Eel a gara, a muur a den. Maaga, o ñuxur a nannoorta kam eel laa, too a lay ee: «Oxene refu o Ƥees onqe fexuuma fex. Nan-gilooxeenoo!»

Mark 9:7 Iomraidhean Croise

A kim a tedu ke 2:7

Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

A kim a tedu ke 97:2

Eel fo o niɓaan kaa mbidin, uum-maamaad um a diƈoox no cofel fo na ƭat.

A sutax ale 24:16

A qoolaand ale no ndam onqe no Yaal oxe a diƈooxa took o joong ole Sinayi, too eel le a muuraan boo ñaal ɓetuu fa leng. No ñaal ɓetuu ƭikandeer naa, o Yaal oxe a xoyta a Moyiis ndeer ee ndeer eel laa.

A sutax ale 40:34

Maaga, eel laa a muura Ƭiif ne o Yaal oxe a xetteel, too o ndam onqe no Yaal oxe a mayƭanda Ngenand tedu ne boo Moyiis waagee o rok taaga.

Dañel 7:13

Ga’ahinaam no mbeeñil ne mi kam o yeng ole oxaa nandtoogna o ƥiy no kiin ta garaa ndeer a eel ake. A fadiida me na Koorgi le, a matandiidel mbaambir um.

Mace 27:43

A doona yaakaar um na Roog, Roog a fexangaan, pañtu ta muclin koy? Mee ndax kaa layoogu yee ten refu o Ƥeenqe Roog!»

Mace 27:54

Yaa o aa-adax oxaa no xiixire waa fo waa ndeeƭna fo ten, a yetooxaa a Yeesu, a nga’na ne lanq ke a yo’nooritna fo ke xew’ina, a ndiida diid maak. Maaga, a layoogata yee: «O kiin oxeeke reeƭu o Ƥeenqe Roog ndigil!»

Mace 3:17

O ñuxur a nannoorta na asamaan ee: «Oxene refu o Ƥees onqe fexuuma fex, no ten felakinoortum.»

Mark 1:11

O ñuxur a nannoorta na asamaan ee: «Wo refu o Ƥees onqe fexuuma fex, na wo felakinoortum.»

Mark 9:6

And’ee ke ta warna o lay, yaam daalbe we kaa ndiid’u lool.

Mark 9:8

Ndak fo ndak, daalbe we a ƭeeta me widna a den, ndaa nga’ee o lakas a refangeerna Yeesu soom.

YEGIL MBAAX NE YEESU ne Lik a bindtuuna 3:22

too Yiif Tedu le a fudooxiida took um, a saxit nen cer a nuukuur. O ñuxur a nannoorta na asamaan ee: «Wo refu o Ƥees onqe fexuuma fex, na wo felakinoortum.»

YEGIL MBAAX NE YEESU ne Saŋ a bindtuuna 1:34

Ga’aam, too seede’anaanum ee o ten refu o Ƥeenqe Roog.»

YEGIL MBAAX NE YEESU ne Saŋ a bindtuuna 1:49

Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

YEGIL MBAAX NE YEESU ne Saŋ a bindtuuna 12:28

Faap, ɓoxoti gon of o ndam ndiiki!» Maaga, a jega o ñuxur olaa inoorna na asamaan, a lay ee: «Ɓoxotaanum o ndam, too xam dakooxin o ɓoxot o ndam!»

YEGIL MBAAX NE YEESU ne Saŋ a bindtuuna 19:7

Naaga Yaawuur we a ndoonaan ee: «I njega kebil, too ne kebil neene a laytuuna, a wara o xon, yaam kaa fi’ooxaa o Ƥiy Roog.»

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

YEGIL MBAAX NE YEESU ne Saŋ a bindtuuna 5:18

Yaawuur we a moƴa o say koy, a mbaaƭaa maa da mbartuuna, yaam laafee bes fee na ñootnax ale soom a day teen, ndax a doon a lay ee Roog refu Faap um, a fodandooraa a Roog.

YEGIL MBAAX NE YEESU ne Saŋ a bindtuuna 5:37

Faap fee lulaxama fo o mem um koy sax a seede’anaxam. Nu mosee o nan o ñuxur um, nga a tagid um ne’aand,

YEGIL MBAAX NE YEESU ne Saŋ a bindtuuna 6:69

In koy, i ngima, too i anda yee wo refu o Tedu xe hatna na Roog.»

YEGIL MBAAX NE YEESU ne Saŋ a bindtuuna 9:35

Yeesu a yega yee o qoyaa kaa rax’el. Yaa ta xetna fo ten, a layaan ee: «Ndax gimaa no xe na xoyeel o Ƥeenqe no kiin oxe?»

A pi ake 1:9

Cinj yaa Yeesu a layna kaaga, a dalfooxa o yoɗoox na kid den, too ye da ƭeetan, eel a singaan.

A pi ake 7:37

Moyiis feene o mat lay’ahinu xeet fee Isra’el ee: ‹Xan Roog a sutan a nuun a ndeer no fog nuun o tuleer oxaa nandna fa mi.›

A pi ake 8:36

Ye da maadna o ndetaa koy, a ndaawa o mbiñ onqaa jegna foofi, too jawdiin faa a layaan ee: «Mee ndax keeke foofi yoo, xar yaqanu o batiise’aam?» [

O leetar ole Pool a bindna GIMU WE NGENNA ROM 1:4

ndaa na pexey Yiif Tedu le, a feeñle fa doole yee o Ƥeenqe Roog a refu, ye ta xontooxna a ndeer no xon we: O ten refu Yeesu Kiristaa o Yaal in.

Hebre 2:1

Ten taxu i ngela o ndamloox a paax no tigil ke i nanna, ndax i saƭtirkee fa den, soo mo.

2 Piyeer 1:17

ye ta daawitna o niwel fo o ndam na Roog Faap fee. Kam o ndam o mayu katil onqe ten, Roog a nannooraan o ñuxur olene: «Oxene refu o Ƥees onqe fexuuma fex, too no ten felakinoortum.»

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Mbeeñil 1:7

«Ngela ƭeeteenoo, oxe garaa ndeer a eel ake! Xan wiin we fop a ndaxaaƴoox, a nga’in boo no we ndib’uuna sax. Xan qeet ke fop a njoytoox yaam o ten.» Ii, neene a refitkaa! Amiini!