Mark 9:3 - NQAARIIT NE ROOG

³ Toki um a meleƈa, a ndanig fur. Jeg’ee koy took lanq ke o suusuup o leng oxaa waagna ran-ginit naaga toki.

Mark 9:3 Iomraidhean Croise

A kim a tedu ke 51:7

Ga’angi! Kaam rimel jofaƭar, too naa fudeema fud, o paabakaad refum.

A kim a tedu ke 68:14

Ndax kaa nu mbondooxkaa mbondoox no ged le rek? A nafir ake na nuukuur ale kaa soobtel xaaliis, soo a naf ake ten a meleƈaa nen wurus.

Esayi 1:18

O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.

Dañel 7:9

«Ɗeetoogaam boo neen ga’um a uum no maad akaa na sipeel, soo a Koorgi a gar, a moof. Kaa rokoox’u toki tan fur, soo wiil um a ranig taw nen fa liit. Uum-maamaad le ten nandtoogna ƈulfaan fiɗel kaa saq’u a saang akaa na telelaa nen fiɗel laa na jir-jirnaa.

Mace 28:3

Nen o hiiñaand a nand’u, toki ke ten a ndanig boo fur.

Mark 9:4

Maaga, Eliya fa Moyiis a mbeeñooxa a den, a layaa fa Yeesu.

YEGIL MBAAX NE YEESU ne Lik a bindtuuna 9:29

Yaa ta maadna o xeɗaa, a tagid um a suptooxa, too toki ke ten a ndan-ga boo taw.

A pi ake 10:30

Korney a laya yee: «Ñaal nahik key kaa andoona yee kaam xeɗoogu no mbind es na waxtu kirandax, na waxtu fene sax sax. Ñaal eetaand ne koy, a jeg’a o koor oxaa rokoox’ina ndoki naa na meleƈaa. A dalfooxa o geenoox mbaambir es,

Mbeeñil 19:18

Ngaryo ñaam xa tal no maad fo xa tal kelfa no yaal kumnax fo xa tal yaal katil fo xa tal pis fo ŋaaŋaay den fo xa tal no wiin fop, faɗ fo jegu a qoox den, yaal toole fo we neewna doole.»

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.