Mark 9:2 - NQAARIIT NE ROOG

² A cinj ñaal ɓetuu fa leng, Yeesu a ɓislooxa a Piyeer fa Saak fa Saŋ, soo a ŋaay fa den no joong o goƭu took, maa da ndeeƭna den soom. Maaga a suptooxa mbaambir den.

Mark 9:2 Iomraidhean Croise

1 Maad we 18:33

A xendanda xa cuuƭ axe, a ɗeg nqoox ne teɓ-reɓ soo a doonin took xa cuuƭ axe.

1 Maad we 18:42

Ahab a reta a ñaam, a yer. Eliya o mat, a ŋaaya farna fo jul olaa no joong olaa Karmel, a gooknoox maaga, a gung ndeer kuɓay ke ten.

A sutax ale 24:13

Moyiis a yoona fa Yosuwe fee o tag um, da ndef no ŋaayaa took o joong ole Roog.

Esayi 33:17

A kid of xan a naang jak fo o maad oxe kam o mosel um fop. Xan a nga saax yaaju le ne ta fodeena fop.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

Mace 14:13

Yaa Yeesu a nanuuna, a inoora maaga fo suk, soo a riƈatoox boo no mbiñ o mbootu. Yaa wiin waa a nanuuna, a sutoora no teeru kaa, a ndeefanin fo xa caf den.

Mark 14:33

A ɓislooxa a Piyeer fa Saak fa Saŋ. A dalfooxa o naqadiloox, a jaaxiɗ,

Mark 16:12

Cinj kaaga, Yeesu a feeñooxa na jemo fa lakas daalbe ɗik waa ndetoogna na koƥ alaa.

Mark 5:37

Yeesu ci’ee o leng ta yoonin, a refangeerna Piyeer fa Saak fa Saŋ fee o ndeɓ Saak.

YEGIL MBAAX NE YEESU ne Lik a bindtuuna 6:12

Na pe akaaga, Yeesu a reta took o joong olaa ndax ta xeɗ. A fe’a no xeɗaa a Roog boo neen a feedu.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

2 Korint 13:1

Kaam ee: Xam dadkandiid o jaf es me nuun. A Pind a Tedu ke a laya yee: «Kuu ɗik mbaat daduk a seede’na, xan a xen.»

Filip 3:21

Ten feene o mat na supitkaa cer neewu doole ke in, da nandat fo cer o ndam um, a fi’tin sañ-sañ fee ta jegna boo a waag o garit fop took.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.