Mark 9:12 - NQAARIIT NE ROOG

¹² A doona a den ee: «Ndigil oo de, Eliya a wara o eet o gar, ndax ta jagandatin fop. Yaaga boog, xar taxu a Pind a Tedu ke a lay ee o Ƥeenqe no kiin oxe xan a coono mayu, soo a ñagadilel?

Mark 9:12 Iomraidhean Croise

A kim a tedu ke 74:22

Wo Roog, inooxi! Xoxti a xoox of. Wetandooxi a ben ake wiin ɓodaxu wene a ndoxanang ñaal oo ñaal.

Esayi 49:7

Keeke o Yaal oxe refna o baawat oxe fo o Tedu xe Isra’el a layu oxe o ñoow um a sibeena, too wiin we a sibdin, a ref o paɗ no yaal toole ke: «Xan maad we a nga’in too xan a inoox, xan gelwaar we a ngung mbaambir um, yaa da ƈookkan. Neene, xan a lalit ee a niwa o Yaal oxe gore’na, a ref o Tedu xe Isra’el jiloonga.»

Esayi 50:6

Kaam dekan’u ndiiñ es we mbadoogaxama, we mbofoogna o raatam es, um letin a den xa ƭek es, too a tuxid ake fo a ben ake tax’ee um sing mukit es.

Esayi 52:14

Ne jaaku a ndiidit’ina ye da nga’uuna, - yaam ne ta gaañ’eena boo saq’atee o nand no kiin, too o mem um nand’atee fo o mem no ƥiy Aadama, -

Sakari 11:13

Cinj kaaga, o Yaal oxe a layaxam ee: «O njigand onqeene da nqaymi’na na mi, deɓeen o qaaxaw oxe kam Mbind ne mi.» Maaga, jangaam xa monjong qarɓeen tadik axe, deɓ a den o qaaxaw oxe kam Mbind Roog naa.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

Mace 26:24

O Ƥeenqe no kiin oxe xan a xon, ne a Pind a Tedu ke a laytuuna no ten. Kaa koy, ndaw sabab took no xe na ɓoxotkaa o Ƥeenqe no kiin oxe. Ñak’el o rim sax moƴ’u no ten.»

Mark 10:33

«In we ndetaa Yeerusaleem, too xan o Ƥeenqe no kiin oxe a ɓoxotel saasadax maak we fo jaajangin we no kebil ke Moyiis. Xan a ngate’in ndax ta warel, too xan a ƥoxotin gimaƭaru we.

Mark 9:13

Kaa koy, mexe layaa a nuun ee Eliya a gara boo a ƴut, too wiin we a mbi’aan naa felna a den, ne a Pind a Tedu ke a laytuuna no ten.»

Mark 9:31

yaam kaa jangnoogu daalbe we ten, too a layaa a den ee: «O Ƥeenqe no kiin oxe xan a ɓoxotel a ndeer xa ƥay axe no wiin we. Xan a mbarin, ndaa ñaal tadik a cinj fa nqon um xan a xontoox.»

YEGIL MBAAX NE YEESU ne Lik a bindtuuna 1:76

Wo o mat o ƥees, xan o xoyeel o tuleer no xe Took-ee-took. Xan o ñaaƴaa mbaambir no Yaal oxe, ndax o jagandanin a ƭat um.

YEGIL MBAAX NE YEESU ne Lik a bindtuuna 23:11

Herood fo xiixire we ten kaa njeeroogu a Yeesu, a nqaadnooxan, a ndokanin ndoki mosu, soo a nomtin maa Pilaat.

YEGIL MBAAX NE YEESU ne Lik a bindtuuna 23:39

O leng no saasaay kaa ndeng’eena a wenooga a Yeesu, too a layaa yee: «Ndax refiro Kiristaa fee? Mucli a xoox of, mucil a in!»

A pi ake 1:6

Maaga, apootar waa mbokatoor’ina fa Yeesu a laamtaan ee: «O Yaal oxe, ndax no camaane kene o sinjatinkaa maat ne Isra’el?»

A pi ake 4:11

Keeke refu ke a Pind a Tedu ke a layna na Yeesu: ‹Nuun maamax we, ɓil le nu ndeɓ’ina a refata ɓil faraaj le.›