Mark 9:1 - NQAARIIT NE ROOG

¹ Yeesu a dakooxa o lay a den ee: «No ndigil, mexe layaa a nuun ee: Leng-leng no we ndefna meeke nqonkee, too nga’ee Maat ne Roog a garaa fa katil.»

Mark 9:1 Iomraidhean Croise

Mace 16:28

No ndigil, mexe layaa a nuun ee: Leng-leng no we ndefna meeke nqonkee, too nga’ee o Ƥeenqe no kiin oxe a garaa kam maat um.»

Mace 24:30

Maaga koy, xan o anddiloor ole no Ƥeenqe no kiin oxe a feeñit na asamaan. Xan o qeet oluu refna no lanq ke a faɗoox, too xan a nga o Ƥeenqe no kiin oxe a garaa took a eel ake na asamaan, a yoon fa katil fo o ndam o maak.

Mace 25:31

«Yaa o Ƥeenqe no kiin oxe a garkaa kam o ndam um, a yoon fo malaaka ke fop, xan a moof no gamb no maad le ten jegna o ndam.

Mark 13:26

Maaga, xan wiin we a nga o Ƥeenqe no kiin oxe a garaa took a eel ake, a yoon fa katil maak fo o ndam.

Mark 13:30

No ndigil, mexe layaa a nuun ee: Wiin we na jamaane fene mbaafkee, too keene fop xewee.

YEGIL MBAAX NE YEESU ne Lik a bindtuuna 2:26

too a yegin’aan ee xonkee muk, too ga’ee a Kiristaa fee refna o Muumucil oxe o Yaal oxe a regitna.

YEGIL MBAAX NE YEESU ne Lik a bindtuuna 22:18

Yaam mexe layaa a nuun ee: Yerkatiim kaa inoorna no ndaxar biiñ, a refangeerna Maat ne Roog kaa fadiid.»

YEGIL MBAAX NE YEESU ne Lik a bindtuuna 22:30

ndax nu ñaam yer fa mi kam mbind Faap es, moof na kamb, ngate a carind xarɓaxay fo a carind a ƭak ake Isra’el.»

YEGIL MBAAX NE YEESU ne Lik a bindtuuna 9:27

No ndigil, mexe layaa a nuun ee: Leng-leng no we ndefna meeke nqonkee, too nga’ee Maat ne Roog.»

YEGIL MBAAX NE YEESU ne Saŋ a bindtuuna 21:23

Naaga, gimu we fop a nana ta layteel ee o taalbe xeene xonkee muk. Kaa koy, Yeesu lay’ee a Piyeer ee o taalbe xeene xonkee. Kaa lay’un soom ee: «Um bugangaa ta ñoowaa boo yaa um garkaa, xar warong teen?»

Hebre 2:9

I ngorooxa kene de: Yeesu a neewand’e, malaaka ke a ngupin boo o ngap, ndax ta xonan wiin we fop yaam yirmande Roog. Kaa koy, i nga’aan ndiiki ta sagoox o ndam fa tedaanga nen o ndip no maad yaam fa nqon fa ƭomu fee ta xonna.