Mark 7:5 - NQAARIIT NE ROOG

⁵ Yaam keene, Farisiya we fo jaajangin we no kebil ke a laamtaan ee: «Xar taxu daalbe of naangee o ndeefaa o mbaax onqe no maak we in, ndax a ñaamaa fo xa ƥay xa capaand?»

Mark 7:5 Iomraidhean Croise

Mace 15:2

«Xar taxu daalbe of naangee o mbi’aa ke o mbaax onqe no maak we a layna, yaam njapkee yaa da mbugna o ñaam?»

Mark 7:13

Neene nu ñuftaa fa lay fee Roog na pexey o mbaax onqe nuun nu ndalinna. Kaa nu mbi’aa tig lakas mayu nandu neene itam.»

Mark 7:8

Kaa nu mbes kebil ke Roog a cinj, soo sereƥoox no mbaax onqe no wiin we.»

Mark 7:9

A layahina a den ee: «Nu anda a paax ne nu mbarna o ñufit kebil ne Roog, ndax nu mbaag o ngeek o mbaax onqe nuun.

A pi ake 21:21

Weene kaa nan ee kaa o jangnaa Yaawuur we ngenna a ndeer no we ndefeerna Yaawuur, da mbes kebil ke Moyiis a cinj, doon teen layaa yee: Ba nu nquc xa ƥiy nuun, too ba nu ndeef o mbaax onqe nuun!

A pi ake 21:24

Ɓisi a den, nu yoon ƥogdinoox ne Yaawuur we a mbi’tan. Gadooxi ndabid den itam, ndax oxuu refna a ruusin xoox um. Neene, xan wiin we a and ee ke layoogeena na wo fop xa maaƥ oo, yaam a nga ee kaa o reefaa kebil ke Moyiis, too gayaa a den.

O leetar ole Pool a bindna GIMU WE NGENNA ROM 4:12

Abraham refu itam o taan no xucooxu we ndayeerna no nquc soom, ndaa a ñaaƴaa na ƭooqlaand ale no ngim onqe o taan in Abraham a jeg’ina yaaga xucooxafulee.

Galati 1:14

Nu anda itam ne daɗit’uuma gend es mayu na xeet in no ke farna na ƭat ale no Yaawuur we, too fex’u o mbaax no daan es bo ta hup.

2 Tesalonik 3:11

Me ta refna koy, in we nanaa yee a jega na nuun waa mbeeñaakna, a ndokaa no kaa a ƭat den a yongeerna, a mbañ o njalik.

2 Tesalonik 3:6

Fog we, kaa i ngeblaa a nuun no gon no Yaal in Yeesu Kiristaa nu ngoƭatir fo o pog oxuu feeñaakna, too o ñoowooƭ um a guutatir fo ole nu njangitna na in.