Mark 7:4 - NQAARIIT NE ROOG

⁴ Boo da inoorna na marse faa, ñaamkee a refangeerna kaa ƥogdoox. A naanga o ndeefaa itam lakas mayu kaa o mbaax onqe na ƭat den a hebilna, nen a ƥogid ale na tokol ake fo no qaw ke fo na kaleera ke fo no cong ke.

Mark 7:4 Iomraidhean Croise

A kim a tedu ke 26:6

Kaam laxadooxaa, ndax um lalit ee xoolaam qac, soo widaa o sadaxand ole wo, wo o Yaal oxe,

Esayi 1:16

Ƥogooxyo, ƥogdinoox! Fat a pi a paaxeer ake nuun a naang faq, nu mbaas paaxeer ke nu mbi’aa.

Yeremi 35:5

Cinj kaaga, diƈaam mbaambir Reerekab we xa pal xa mayu muut fa biiñ fo xa tumb, lay a den ee: «Yeryo biiñ!»

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

Mace 23:25

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu ƥogdaa took fee na tokol ale fo took fee no roon ole, too yaaga fop oo kam fee kaa may fo kuuɗe fo ke a yuxum a paaxeer ake a ƥisiidna.

Mace 23:26

O Farisiya puulu xe! Pañtu o eet o laxad kam a tokol ale ndax tafil fee a waag o xool itam!

Mace 27:24

Yaa Pilaat a ga’na yee ɗaxdee dara, too coow le a moƴ o mayaa, a janga foofi, soo a laxad xa ƥay um mbaambir no wiin waa fop, too a lay ee: «Refiim dara no fo’oy le no cofu xene. Nuun ngadooxun.»

Mark 7:8

Kaa nu mbes kebil ke Roog a cinj, soo sereƥoox no mbaax onqe no wiin we.»

YEGIL MBAAX NE YEESU ne Saŋ a bindtuuna 2:6

A jeg’a maaga koy xa calag ɓetaa fo leng xa maak axaa Yaawuur we a njaptoogna, too oxuu refna teen a waag o yip ngap xa liitar qarɓeen ɓetuu tadik boo na xa liitar teemeed fo qarɓeen ƭik sax.

YEGIL MBAAX NE YEESU ne Saŋ a bindtuuna 3:25

Daalbe we Saŋ a ñimatira fo o Yaawuur no kaa jofna no njap.

Hebre 9:10

Sadax keene, kaa njagin na ñaam ale fo na yer ale fo kaa farna no njap. Kaa ndef kebil kaa ndayna no cer ke, too a mbarel o ndeef, boo na jamaane fee Roog a jagandatinna fop.

Saak 4:8

Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.