Mark 6:2 - NQAARIIT NE ROOG

² Yaa bes fee na ñootnax ale a fadiidna, a refa no jangnaa kam mbind a qeƭ naa. Wiin mayu waa nan-gilooxooguuna a njaaxiɗ’a boo a laamtataa yee: «Mam a daawtu kene? O and olene ta cooxeena xar oo? Nam a waagu o fi’it a pi katil a nandu nene fo xa ƥay um?

Mark 6:2 Iomraidhean Croise

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

Mace 7:28

Yaa Yeesu a ƴutna waare faaga, a cangin um a duq’a wiin mayu.

Mark 1:39

Neene, Yeesu a reta kam Galile fop. Kaa waare’oogu kam pind a qeƭ ke no saax le, too a raxaa cini ke.

Mark 10:1

Yeesu a inoora maaga, a ret no jegel olaa Yudee fo kaltaa o xuluɓ ole Yordaan. Wiin mayu a ndakooxa o mbokatoor a paam um, too a jangnooga a den, ne ta mer’uuna o fi’taa.

YEGIL MBAAX NE YEESU ne Lik a bindtuuna 2:47

We nan-gilooxooguuna fop kaa njaaxiɗ’u yaam ne ta ƴiƴ’ina fo ne ta doontoogna.

YEGIL MBAAX NE YEESU ne Lik a bindtuuna 4:15

Kaa jangnoogu kam pind a qeƭ kaa den, too wiin we fop a ƥoxotoogaan tedaanga.

YEGIL MBAAX NE YEESU ne Saŋ a bindtuuna 6:42

A laya yee: «Andum tiye kaa refatee Yeesu fee o ƥiy Yoseef, rimeena na kid in, baa um oo ya um oo, fop i and a den? E, nam a waagu o layit boog ee: ‹Na asamaan fudoorum›?»

YEGIL MBAAX NE YEESU ne Saŋ a bindtuuna 7:15

A cangin ale Yeesu a bet’a Yaawuur we boo da ndamtin na: «Nam a andtu a Pind a Tedu ke, too goƭee teen na cang?»