Mark 5:7 - NQAARIIT NE ROOG

⁷ too a wuuq a maak ee: «Wo fee refna o Ƥeenqe no xe Took-ee-took, xar i nqetu? Waay waay, ɗeeti a Roog, fañaam o xijil.»

Mark 5:7 Iomraidhean Croise

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

1 Maad we 22:16

Kaa koy, o maad oxe a layaan ee: «A caf a podnum um simkang o daaɓoox ee boo o layaa no gon no Yaal oxe, ndigil doŋ a waru ref?»

Hoose 14:8

We moofoogna no yook um xan a nomtooxiid. Xan a ñoowdandatin bele fee, a mbiɗit nen ndaxar biiñ soo a njeg gon nen biiñ fee Libaŋ.

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

Mace 4:3

O poofog oxe a matiidaan, too a layin ee: «O refangaa o Ƥeenqe Roog, supti a kac akeeke da ndef puuru.»

Mace 8:29

A laya a maak ee: «Wo fee refna o Ƥeenqe Roog, xar bugo fi a in? Ndax kaa o xijliid a in boo waxtu fee a helko fo fadaa?»

Mark 1:24

a lay ee: «Yeesu o Naanasaret oxe, xar i nqetu? Ndax kaa o saŋkiid a in? Andaam oxe refoona: Wo refu o Tedu xe hatna na Roog.»

Mark 14:61

Yeesu kaa tiimoogu, too doon’iran dara. O saasadax o maak oxaa a dakooxaan o laamit ee: «Ndax wo refu Kiristaa fee o Muumucil oxe regteena, o Ƥeenqe no xe i simataa?»

Mark 3:11

A mbanuu cini ke a nga’uuna, a yenooga na caf um, soo a mbuuqaa yee: «Wo refu o Ƥeenqe Roog!»

Mark 5:6

A ƴookta a Yeesu koƭu, a ƴuf a xetooxiidin, a gung mbaambir um,

Mark 5:8

A laya keene, yaam ne Yeesu a hebil’ina jini fee ta sutoox no kiin oxeene.

YEGIL MBAAX NE YEESU ne Lik a bindtuuna 1:32

Xan a ref o kiin o maak, too xan a xoyeel o Ƥeenqe no xe Took-ee-took. Xan o Yaal oxe Roog a ci’in ta ref o maad nen a Dawid fee o taan um.

YEGIL MBAAX NE YEESU ne Lik a bindtuuna 4:34

«Heey Yeesu o Naanasaret oxe, xar i nqetu? Ndax kaa o saŋkiid a in? Andaam oxe refoona: Wo refu o Tedu xe hatna na Roog.»

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

YEGIL MBAAX NE YEESU ne Lik a bindtuuna 8:28

Yaa ta ga’na a Yeesu, a wuuqa, soo a dig a gooknoox paam a caf um, too a lay a maak ee: «Yeesu wo fee refna o Ƥeenqe Roog fee Took-ee-took! Xar bugaxamo o fi? Waay waay, ba o xijlaam!»

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

A pi ake 16:17

O mbindaand onqeene a reefanooga a Pool fa in, too a falalooxaa yee: «Goor weeke faɗ Roog fee Took-ee-took a ndefu! Kaa yegnaa a nuun a ƭat ale na muc ale.»

A pi ake 19:13

Fan Yaawuur waa ndaxoogna cini, a mbidaa o mbiñ fo mbiñ, a njeemooga o nqeɗan no gon Yeesu we cini a ndam’ina itam. Kaa layoogu cini kaa yee: «No gon Yeesu fee Pool a yegnitaa, mexe heblaa a nuun nu sutoox.»

A pi ake 8:36

Ye da maadna o ndetaa koy, a ndaawa o mbiñ onqaa jegna foofi, too jawdiin faa a layaan ee: «Mee ndax keeke foofi yoo, xar yaqanu o batiise’aam?» [

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

Hebre 2:14

Yaaga koy, ne xa teɓandoong axeene a ndefna cer fo fo’oy, Yeesu fa xoox um a refaan nen a den, a fog fa den o mem no kiin. A fi’aan, ndax na pexey fa nqon um ta saŋik o ƈiƴ oxe jegna doole fa nqon.

Hebre 7:1

Melkisedek feene reeƭu o maad na teeru faa Saleem fo o saasadax Roog fee Took-ee-took. Yaa Abraham a nomtooxiidaa na xire faa ta raxit’ina maad waa, Melkisedek a dalfooxa o xetik fo ten, soo a barke’in.

Saak 2:19

Gimaa yee Roog fa leng soom jegu. Keene paax oo, ndaa cini ke sax sax a andaan, too a mbitaan.

2 Piyeer 2:4

Yaam Roog wuusee malaaka ke mbakaadna, ndaa a deɓa a den kam fiɗel laa. Maaga a ngeekkeel kam o niɓaan ole boo no ñaal naa na hate faa.

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.

Mbeeñil 12:12

Ten taxu, wo asamaan fo nuun we ngenna teen, mbelakinooxyo! Kaa koy, ndaw naqad took lanq ke fo o maag ole, yaam o ƈiƴ oxe a fudooxiida me nuun. Kaa fuux boo a buɓaa, yaam a anda yee jamaane um miñkatee.»