Mark 4:5 - NQAARIIT NE ROOG

⁵ A seek a lakas a sama maa fi’na ƭeŋkeleer, too mayee mbuuƴ. A looƴ’a no ñofu yaam ne mbuuƴ ne a mayeerna.

Mark 4:5 Iomraidhean Croise

Heseki’el 11:19

Xam ci a den xeeñ leng kut soo ɓek na den yiif xas. Xam watin no ngiin den xeeñ den le saƭkitna nen ɓil soo ci a den xeeñ hiihiin,

Heseki’el 36:26

Xam ci a nuun xeeñ xas soo ɓek na nuun yiif xas. Xam watin no ngiin nuun xeeñ nuun le saƭkitna nen ɓil soo ci a nuun xeeñ hiihiin.

Hoose 10:12

Layaam a den ee: ‹Nduufyo o cofel, too xan nu saxad o mbeq. Mbigooxanyo a qoox nuun o qol o qas! O waaƭaam a fada, mi o Yaal oxe, too xam gar, pictan a nuun o cofel.›

Amos 6:12

«Ndax pis a naaga ƴufneel kam a ƥil? Ndax o kiin a mosa o humin naak a xooxik o maag? Ten nu mbi’u toox de, yaam kaa nu tax gon o cofel a sibel, a pi o cofel nu mbi’in xa tim ndali.

Mace 13:20

Ax ke samna no ƭeŋkeleer ne tektu o kiin oxe andoona yee kaa nan fa lay fee, a jaɓin ndak fo ndak fo o ɗaay.

Mark 4:4

Ye ta sulaa, a seek a leng no ax ke a sama kam a ƭat ale, soo tiiƭ ke a ngar a ñaamin.

Mark 4:6

Yaa njeeƈ naa a sumna, a leeƥa, too a weera, yaam jegee a paƴ.

YEGIL MBAAX NE YEESU ne Lik a bindtuuna 8:13

Ax ke samna no ƭeŋkeleer ne tektu wiin we andoona yee kaa nan fa lay fee, a njaɓin ndak fo ndak fo o ɗaay, ndaa koy njegee a paƴ na den sax sax. A pe a leng-leng soom a ngimaa, ndaa ƭeetlax ke a ngarangaa, kaa ndalfooxaa o mbes o ngim onqe a cinj.

YEGIL MBAAX NE YEESU ne Lik a bindtuuna 8:6

A seek a lakas a yena maa fi’na ƭeŋkeleer. A looƴ’a no ñofu, ndaa a weera, yaam lanq ke nquƥ’ee.