Mark 4:12 - NQAARIIT NE ROOG

¹² Neene, a naangangaa o ƭeetaa, nga’kee, too a naangangaa o nanaa itam, andkee, yaam ndik da saktoox na Roog, soo a mbaasanel pakaad den.»

Mark 4:12 Iomraidhean Croise

Esayi 43:8

Sutiidi xeet feene mbuulna, ke da njegna a kid fop oo, a ndam, ke da njegna nof fop oo.

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

Yeremi 36:3

Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

Heseki’el 12:2

«Wo fee o ƥiy no kiin, kaa o gen a ndeer xeet fa mbaafañ: A njega a kid, ndaa naangee o nga’aa, a njeg nof, ndaa naangee o nanaa, yaam kaa ndef xeet fa mbaafañ.

Mark 8:18

Nu njega a kid, xar taxu koy nu naangee o nga’aa? Nu njega nof, xar taxu nu naangee o nanaa? Ndax nu mbetandooxee?

YEGIL MBAAX NE YEESU ne Lik a bindtuuna 8:10

Yeesu a doona a den ee: «Kaa nu ci’el o and kunpa ke no Maat ne Roog, ndaa no lakas we o mat, kaa war o fi’tel a naxax. ‹Neene, a naangangaa o ƭeetaa, nga’kee, too a naangangaa o nanaa, andkee.› »

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

A cangatin ale 29:4

Ɗoxaam a nuun boo xa kiid qarɓeen nahik kam a koƥ-a-ƥor ale, too ñirax ke nu ndokooxna siɗooxee, xa ñaaƭ axe na caf nuun ñaamooxee.

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

Hebre 6:6

soo a mbes o ngim den a cinj. Dara waagatee o tax da ndicooxatin boo a mbes pakaad den a cinj, yaam den fa qoox den kaa ndengatinaa o Ƥeenqe Roog na kurwaa soo a mbennooran no ke da mbi’aa.