Mark 3:8 - NQAARIIT NE ROOG

⁸ fa Yeerusaleem fa Idume fo kaltaa Yordaan fo teeru kaa mbidna Tiir fa Sidoŋ. Wiin mayu weene a ngara me Yeesu, yaam kaa nan’u ke ta fi’oogna fop.

Mark 3:8 Iomraidhean Croise

A kim a tedu ke 45:12

Yaasam o mosel of a yul a ngid no maad oxe! Feek o ten refu o yaal of ndiiki, gungi mbaambir um.

A kim a tedu ke 87:4

«Bo um ne’aa a kon no we andaxama no qeet ke, xam fokat teen a Misira fa Babilon, wiin we Filista fo we Tiir fo we Kuus, um limaale’it a den fo we ndimeena Yeerusaleem»,

Esayi 34:5

Laƥ ne mi kaa xeƴit na asamaan soo a fudooxaniidaa a Edoom, xeet fee kesanuuma a saŋkax ale, ndax um hate’in.

Heseki’el 35:15

Feek kaa o felakinoox na kef ale no mbaafaap ne Isra’el, xam doonong leng kut ke. Wo o joong ole Seyiir xan o fiitnel fa Edoom fop, too xan fop a and ee mi refu o Yaal oxe.»

Heseki’el 36:5

No ndigil kam fuux ɗomu le mi, xam xasan qeet lakas ke fa Edoom boo ta xet, den we njegooxna saax le mi fo o ɗaay ole na qeeñ den fop fo o xeefel ole na xa laaw den, ndax da mbalit xa suufand axe. Mi o Yaal oxe na refkaa boo faw layun.

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

Mace 4:25

Wiin mayu a ndeefanaan, a inoortiid Galile fa Dekapol fa Yeerusaleem fa Yudee fo kaltaa Yordaan.

Mark 7:24

Yeesu a inoorta maaga, soo a ret no lanq kaa Tiir. A roka no mbind, too bug’ee o leng a and ee oxe meen, ndaa waagee o ɗas.

Mark 7:31

Yeesu a inoorta no lanq kaa Tiir, a reeftiid Sidoŋ, a xaañ no saax laa Dekapol, soo a fadiid no Maag olaa Galile.

YEGIL MBAAX NE YEESU ne Lik a bindtuuna 6:17

Maaga, Yeesu a fudoortiida no joong olaa, a gar no joor fee, a yoon fo apootar we ten. Daalbe mayu fo wiin lakas mayu a inooriid’a muu refna na Yudee fo na Yeerusaleem boo no teeru maak kaa Tiir fa Sidoŋ a ndabiid a Yeesu.

Yosuwe 15:1

No ɓemb-roog o ñamaak, o fiisel ole laseena a qaw ake na carind ale Yudaa na pexey mbanjang ne, oxe day’a no ŋat olaa Edoom fo na koƥ-a-ƥor alaa Sin.

Yosuwe 15:21

Teeru ke no cat ke no fiisel ole na xa taan axe Yudaa farna fo ŋat olaa Edoom no ɓemb-roog o ñamaak a ndeeƭa: Qabse’el, Edeer, Yagur,