Mark 3:7 - NQAARIIT NE ROOG

⁷ Yeesu a riƈatooxa fo daalbe we ten, a xot farna fa ƥeeraamb alaa no Maag olaa Galile, too wiin mayu a ndeefanaan. Kaa inoortiidoogu Galile fa Yudee

Mark 3:7 Iomraidhean Croise

Mace 10:23

Boo nu ñagadileena na teeru, ƈufyo na fa lakas. No ndigil, mexe layaa a nuun ee: Nu nqetandkee teeru ke Isra’el fop, too o Ƥeenqe no kiin oxe garee.

Mace 12:15

Yaa Yeesu a andna ke da mbexeyaa, a riƈatooxa maaga. Wiin mayu a ndeefanaan too a wodanda jiru waa fop.

Mace 12:16

Yeesu a maƭooxa a den a paax ndax yegnitkiran.

Mace 4:25

Wiin mayu a ndeefanaan, a inoortiid Galile fa Dekapol fa Yeerusaleem fa Yudee fo kaltaa Yordaan.

Mark 1:39

Neene, Yeesu a reta kam Galile fop. Kaa waare’oogu kam pind a qeƭ ke no saax le, too a raxaa cini ke.

Mark 1:45

Kaa koy, o kiin oxeene a reta muu refna, a yegnitik ke ta fi’an’eena. Yaam keene, Yeesu waag’atee o feeñ kam teeru ke. Kaa sutooxoogu tafil, a ret no mbiñ o mbootu, soo wiin we a inooraa muu refna, a ngaraa me ten.

Mark 3:20

Cinj kaaga, Yeesu a nomtooxiida no mbind naa, too wiin mayu a ndakooxa o mbokatoor, boo Yeesu fo daalbe we mbaag’ee o ñaam sax.

Mark 4:1

Yeesu a dakooxa o ret na ƥeeraamb alaa no Maag olaa Galile, a jangnaa. Yaa wiin mayu a mbokatoorna paam um, a roka no suk, a moof. Suk naa koy, kam o maag olaa a reeƭu. Wiin waa fop na ƥeeraamb alaa a ngeenoox’u.

YEGIL MBAAX NE YEESU ne Lik a bindtuuna 23:5

Kaa koy, a mbeera na: «Kaa hoƥatrandaa xeet fee, a jangnitaa kaa xotitna Galile boo Yudee fop, a gar meeke sax.»

YEGIL MBAAX NE YEESU ne Lik a bindtuuna 6:12

Na pe akaaga, Yeesu a reta took o joong olaa ndax ta xeɗ. A fe’a no xeɗaa a Roog boo neen a feedu.

YEGIL MBAAX NE YEESU ne Lik a bindtuuna 6:17

Maaga, Yeesu a fudoortiida no joong olaa, a gar no joor fee, a yoon fo apootar we ten. Daalbe mayu fo wiin lakas mayu a inooriid’a muu refna na Yudee fo na Yeerusaleem boo no teeru maak kaa Tiir fa Sidoŋ a ndabiid a Yeesu.

YEGIL MBAAX NE YEESU ne Saŋ a bindtuuna 7:41

Lakas we koy, kaa layoogu yee: «Ten refu Kiristaa fee o Muumucil oxe regteena.» Wene a mbodit mene a ndamtin na: «Ca! Ndax Kiristaa fee a waaga o hat Galile?

YEGIL MBAAX NE YEESU ne Saŋ a bindtuuna 7:52

We ta laytoogna a ndoonaan ee: «Mbaar refee wo itam o Kaagalile refo? Hori boo ga, ndax o tuleer a mosa o hat Galile.» [

A pi ake 17:10

No yeng olaa, fog gimu we a suurna a Pool fa Silaas, da ndet Beere. Yaa da mbadna, a ndoka kam mbind a qeƭ naa no Yaawuur waa.

A pi ake 17:14

Maaga, fog gimu waa a ñofa o ƥis a Pool na ƭat alaa no maag olaa, ndaa Silaas fa Timote o mat, Beere a yoq’u.

Yosuwe 20:7

Nen teeru caɓnooxand Ii-isra’el we a kesa a Qedes kam Galile no jegel olaa na xa coong axaa Neftali fa Sikeem kam o jegel olaa na xa coong axaa Efrayim fa Kiryat-Arba na xoyeel a xoy Hebron kam o jegel olaa na xa coong axaa Yudaa.

Yosuwe 21:32

No fiisel ole na carind ale Neftali a ndaawa kam o jegel ole Galile a Qedes fee refna fa leng no teeru caɓnooxand ke, fogreerna fa Hamot-Door fa Qartan fo xa kayand axe mbidna a den, da ndef teeru tadik.