Mark 3:5 - NQAARIIT NE ROOG

⁵ Naaga, Yeesu a ɗeeta a den fop, too a fuux. A naqadiloox’a sax yaam a qeeñ a saƭku ke den. A laya o koor oxe yee: «Letni o ɓay of.» A letnaan, too o ɓay um a woda boo ceŋ.

Mark 3:5 Iomraidhean Croise

Mberaand 6:6

O Yaal oxe a ricooxa ke taxna ta fi o kiin took lanq ke, soo xeeñ um a gooy.

1 Maad we 13:6

Ndak fo ndak, o maad oxe a laya o kiin Roog oxe yee: «Ngela xeɗooxanaam o Yaal oxe Roog of, ndax um waag o nomit o ɓay es.» O kiin Roog oxe a xeɗooxa o Yaal oxe, soo o maad oxe a sog o waag o nomit o ɓay um bo ta dakoox ne ta reeƭna.

Nehemi 13:8

Fuuxaam teen lool soo foor tafil a ndok ale tig oo tig ke Tobiya fop.

A kim a tedu ke 95:10

Suk neene kaa mbat’aam xus boo xa kiid qarɓeen nahik, too layaam ee: «Kaa ndef xeet fa mo’u mir. Andee muk a ƭat es.»

Mace 12:13

Cinj kaaga, Yeesu a laya o koor oxaa yee: «Letni o ɓay of!» A letnaan, too o ɓay ole a woda boo ceŋ nen o lakas olaa.

Mark 3:4

Cinj kaaga, Yeesu a laamta waa ƭeetoogna yee: «Xar a ƭat ale in a simtu? O fi paax na bes fee na ñootnax ale ndi fi paaxeer? O mucil o kiin ndi o warin?» Den o mat mbug’ee o ndoon.

YEGIL MBAAX NE YEESU ne Lik a bindtuuna 13:15

O Yaal oxe a doonaan a ƭelem akene yee: «Yememaar we nu ndefna ndef! Mee ndax na bes fee na ñootnax ale, oxuu refna na nuun kaa woktitaa naak um mbaat o faam um na sanqul um, a yernikin?

YEGIL MBAAX NE YEESU ne Lik a bindtuuna 17:14

Yaa ta ga’na a den, a laya yee: «Ndetyo maa no saasadax waa, ndax da nga a nuun.» Yaa da ndetaa, a mbodta na ƭat ale.

YEGIL MBAAX NE YEESU ne Lik a bindtuuna 6:10

Yeesu a ɗeeta a den fop, too a lay o koor oxaa yee: «Letni o ɓay of!» A letnaan, too o ɓay um a woda boo ceŋ.

YEGIL MBAAX NE YEESU ne Saŋ a bindtuuna 9:7

a layin ee: «Reti muktook no Ul olaa Silowe.» (Silowe kaa tekit «Oxe luleena».) O qoyaa a reta, a muktoox, too yaa ta gatna, a kid um a ƭeeta jar.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

2 Korint 3:14

Kaa koy, a qalaat den kaa niɓaan, too boo xaye sax, boo da njangaa safe le no ngiɓoor eetaand ne, muurax ne oxe maadaa, too watnaand. Muurax neene, oxe watitkaa no xe fogna na Kiristaa soom.

Efees 4:18

O jeg-yiif den kaa niɓaan tit. Njegee a las a leng no ñoow ole Roog a ci’taa, yaam kaa da ñak-o-and, soo a saƭik a qeeñ lool.

Efees 4:26

Boo nu mbuuxna, fat nu mbootoox, yaam ndik nu yen na bakaad. Baa njeeƈ ne a mudit fuux nuun muk.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Hebre 3:10

Ten taxu um fuuxan’u wiin weene, too lay’aam ee: ‹A qalaat den kaa mo’andaa a den kili. Weene wiin mosee o and a ƭat es.›

Hebre 3:17

Aniin Roog a fuuxan’u boo xa kiid qarɓeen nahik? Mee ndax den ndefu we mbakaad’ina boo xa tal den a yoq kam a koƥ-a-ƥor alaa?

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

Mbeeñil 6:16

Naaga, a layooga xa coong axe fo a ƥil ake yee: «Ngirdooxyo took in, ndax nu laq a in mukit fee no Xe moofna no gamb no maad le, ngoƭatirand a in fo fuux le no Mbaal onqe,

Haahate we 10:16

Maaga, Ii-isra’el we a mbatna roog can ke a ndeer den soo a ndagooxataa o Yaal oxe waag’ateerna o muñ coono ke den.

1 Sami’el 20:34

A inoorta na cu’ax alaa, a fuux boo a buɓaa, a fañ o ñaam na cu’ax ale no ñaal ƭikandeer naaga na bat ale no nqool onqe. Kaa naqadiloox’u na Dawid, yaam ne faap um a wen’uuna.