Mark 3:10 - NQAARIIT NE ROOG

¹⁰ yaam waa njir’ina fop kaa ƥiikloogun ndax da nduqin, took ne ta wodandoogna wiin mayu.

Mark 3:10 Iomraidhean Croise

Mberaand 12:17

O Yaal oxe a xawta a Firawon fee fo wiin mbind um xa ƭomel xa maak yaam Saarayi fee o tew Abram.

A lim ale 11:33

Kaa koy, ye Ii-isra’el we a ngelko fo ƈaxaa a tegeƴ akeene fop, o Yaal oxe a fuuxana a den, a xawit a den taamaala fa maak, boo mayu na den a nqon.

Mace 12:15

Yaa Yeesu a andna ke da mbexeyaa, a riƈatooxa maaga. Wiin mayu a ndeefanaan too a wodanda jiru waa fop.

Mace 14:14

Yaa Yeesu a sutooxna suk naa, a ga’a wiin mayu. A yuɗaan, too a wodanda wiin jiru waa fop.

Mace 14:36

A nqeɗoogaan ndax da mbaag o nduq o noflax ndoki um soom. We nduqooguuna fop a mbodooga.

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

Mark 5:34

Kaa koy, Yeesu a layaan ee: «O ƥees, o ngim of a muclaang. Reti na jam, too jeg o wod-fo-ɓaal no ƭomel of.»

Mark 6:56

Muu Yeesu a rok’ina rok, ta ref saax mbaat teeru mbaat na koƥ ale, jiru we kaa ndoonoogel na baayo fee, too a nqeɗoogaan, ndax da nduq o noflax ndoki um soom. We nduqooguuna fop a mbodooga.

Mark 8:22

Yaa Yeesu fo daalbe we ten a mbadiidna Betsayda, Yeesu a ɓisiide o puul, too wiin we a nqeɗooxaan, ndax ta duqin.

YEGIL MBAAX NE YEESU ne Lik a bindtuuna 5:3

Yeesu a roka no leng no suk ke, too Simoŋ a jeg’un. A layaan ta ret ndeer o maag ole. Yeesu o mat kaa moof’u kam suk ne, soo a jangnaa faan le.

YEGIL MBAAX NE YEESU ne Lik a bindtuuna 6:19

Wiin mayu a mbaaƭooga maa da nduqtuuna, yaam doole fee sutoortoogna no ten, too a wodandaa a den fop.

YEGIL MBAAX NE YEESU ne Lik a bindtuuna 7:2

A jeg’a maaga o aa-adax no xiixire teemeed oxaa fex’ina o tag um bo ta hup, too o tag oxeene a jira boo a mat o xon.

YEGIL MBAAX NE YEESU ne Lik a bindtuuna 7:21

Na waxtu faaga sax, Yeesu a reeƭa no wodandaa wiin mayu waa njir’ina fo waa xa ƭomel a ndamna fo waa cini a ndamna, soo a ga’nooraa fuul mayu.

A pi ake 5:15

We njirna kaa ƥisiidoogel kam ped ke, a mbondneel took cong fo na xa sar, ndax Piyeer a jooniidangaa, mbelyook um a waag o rok wiin leng-leng na den boog.

Hebre 12:6

Yaam o Yaal oxe kaa yaraa oxe ta fexna, too kaa naƭtaa itam oxe ta fi’na o ƥeem.»