Mark 16:1 - NQAARIIT NE ROOG

¹ Yaa bes faa na ñootnax alaa a faafna, Mari-Magdala fa Mari fee ya Saak fo o tew o ne’e Salome a njika ƭuumooxel, ndax da nqendandtikin o dal ole Yeesu.

Mark 16:1 Iomraidhean Croise

Mberaand 50:2

Cinj kaaga, a hebla waawaadin we njalanooguuna yee: «Topatooxyo a faap es.» A ndalfooxa o ƭuum a Isra’el diwliin ndax yaqooxkee.

2 Caloori ke 16:14

soo a gasel na mboy ale ta fi’in’ina kam a ƥak ale Dawid. O dal ole ten kaa doon’el no njong naa da njuum’ina qeeñe-xeeñe mayu kaa mbogreerna too jaajaxas cuuraay we a mbi’’un, soo a ngeƥandanin ƈulfaan maak.

Mark 14:3

Yaa Yeesu a refna Betani, kam mbind no yaal a tik-a-maak o ne’e Simoŋ, o tew a rokiida, a soƥ ta ñaamaa. A saq’a o njaq onqaa fi’teena ɓil seeru laa ne’eena albaatar, a yip ƭuumooxel cafeñu kaa ne’eena naar. A gefa o njaq onqe, soo a ɓax ƭuumooxel ke fop took xoox le Yeesu.

Mark 14:8

A fi’a ke ta waagna, a yipanaxam ƭuumooxel no cer es boo a ƴut, too a mboy es a fi’anun.

Mark 15:40

A jeg’a itam rew waa mat’ina maaga, a ƭeetaa. Mari-Magdala fa Mari fee ya Saak fa ndeɓ fa Yoose fo o tew o ne’e Salome a mbog’a no rew waaga

Mark 15:42

No kirand naa, a jopir da mbaajanaa Xew fee na colandax ale, too bes fee na ñootnax ale a war’u o ref no feet olaa,

Mark 15:47

Mari-Magdala fa Mari fee ya Yoose a ƭeetooga me ta geekeena.

Mark 16:2

No nqes naa na diiboor faa, yaa njeeƈ ne a leelaa, a ndeta na mboy alaa.

Mark 16:8

A ndalfooxa o sutoox a mboy alaa, soo a ƈuf, a sendaa yaam o laaw den a ret. Kaa ndiid’u boo ta tax mbetandooxiran o leng.

YEGIL MBAAX NE YEESU ne Lik a bindtuuna 23:54

Keene na bes fee da njagandooxanoogna Xew fee na colandax ale a reeƭu, soo bes fee na ñootnax ale a rokeel.

YEGIL MBAAX NE YEESU ne Lik a bindtuuna 23:56

Maaga, a nomtooxa a mbaaƭik ƭuumooxel fo miir, ndax da nqendandtin o dal ole. No feet olaa, na bes fee na ñootnax ale, a ñootnooxa ne kebil ke a simtituuna.

YEGIL MBAAX NE YEESU ne Lik a bindtuuna 24:1

No nqes naa na diiboor faa, rew we a ndeta ƥiiɓ teel na mboy alaa, a saq ƭuumooxel ke da nqendand’ina boo a ƈut.

YEGIL MBAAX NE YEESU ne Saŋ a bindtuuna 19:25

Paam a kurwaa le Yeesu a rengeena, Mari fee ya um oxe geenooxa fo o ndeɓ um fa Mari fee o tew Kolopaas fa Mari-Magdala.

YEGIL MBAAX NE YEESU ne Saŋ a bindtuuna 19:31

Yaawuur we mbug’ee xa tal axe a maad took a kurwaa ke na Xew fee na colandax ale. Kaa mbaambir’u fa bes fee na ñootnax ale a jopir da mbaajanaa Xew fee na colandax ale. A nqeɗa a Pilaat ndax a caf ake no we ndengeena a ƥolel soo da ñof o mbudnel.