Mark 13:9 - NQAARIIT NE ROOG

⁹ Nuun o mat, mbootooxyo a qoox nuun! Xan nu ƥisel no mbind no maad, too xan nu nqawel kam pind a qeƭ ke, ƥisel mbaambir gofornoor ke fo maad we yaam mi, ndax nu mbaagaam o seede’an mbaambir den.

Mark 13:9 Iomraidhean Croise

Mace 5:22

Mi koy, mexe layaa a nuun ee: Oxuu fuuxanna o pog um sax, haahate we a mbaraan o nqaw. Oxe na laykaa o pog um sax ee: ‹O ƭof refo!› Mal maak ne fop a mbara o mbokatoor a nqawin. Oxe na laykaa o pog um ee: ‹Jegiro xoox!› a wara o xawtel fiɗel laa ñufkeerna.

Mark 1:44

a layin ee: «Wootooxi o lay dara o kiin o lakas. Reti laltinook maa no saasadax oxaa, too sadaxit ke Moyiis a hebilna we nqoolandeena, ndax fop a seede yee xoolaa.»

Mark 13:5

Maaga, Yeesu a refa no layaa a den ee: «Mbootooxyo o kiin a nax a nuun,

Mark 13:8

Xan saax a inooxan saax, maat a inooxan maat, too xan a jeg a yo’nax lanq na saax a mayu, xan a jeg qeex itam. Keene fop nen gaaj ɓelafuleer a nandkaa.

Mark 6:11

A ngenarangee a nuun mbaat da mbañ o nan-giloox a nuun, fat nu sutoox maaga, yirif fo ut a caf nuun, ndax ta ref seede took den.»

YEGIL MBAAX NE YEESU ne Lik a bindtuuna 9:5

Wiin waa a ngenarangee a nuun, fat nu sutoox teeru faaga, yirif fo ut a caf nuun, ndax ta ref seede took den.»

YEGIL MBAAX NE YEESU ne Saŋ a bindtuuna 15:20

Mbetandooxyo ke layuuma a nuun ee: O tag hupkee o yaal mbind um. A ñagadilangaam, xan a ñagadil a nuun itam. Boo da ngayna a ƭelem es, xan a ngay ake nuun.

YEGIL MBAAX NE YEESU ne Saŋ a bindtuuna 16:2

Xan nu ndaxel no pind a qeƭ ke. Xan a jeg sax jamaane faa we na mbaraa a nuun, a mboogkaa yee kaa mbaɗoortan a Roog.

A pi ake 21:11

a gar maa in. A janga o kumnoor ole Pool, a hum xa ƥay axe fo a caf ake Pool, too a lay ee: «Keeke Yiif Tedu le a layu: Oxe jegna o kumnoor oleeke, neeke mat Yaawuur we a ngumitkan Yeerusaleem, soo a ƥoxotin na xa ƥay no we ndefeerna Yaawuur.»

A pi ake 7:54

Yaa waa mbog’ina no Mal naa a nanna a ƭelem akaaga, a nduq’a a den tigi, too a ŋatooxanooga a Eceen.

A pi ake 9:16

Xam lalin ke ta warna o torox fop yaam gon es.»

Filip 1:29

yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,

2 Tesalonik 1:5

Keene laltu deŋ hate fa njofu fee Roog, too xan a mbi a nuun laalam tigi no Maat ne ten, taxna nu toroxaa.

2Saŋ 1:8

Fat oxuu refna a ɗeetaqin a xoox um, yaam ndik calel in no Yaal oxe a ndef kasaara. Mbootooxyo boog, ndax nu mbaag o ndaaw saɗig ne Roog a geekanna a nuun.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.