Mark 13:8 - NQAARIIT NE ROOG

⁸ Xan saax a inooxan saax, maat a inooxan maat, too xan a jeg a yo’nax lanq na saax a mayu, xan a jeg qeex itam. Keene fop nen gaaj ɓelafuleer a nandkaa.

Mark 13:8 Iomraidhean Croise

2 Caloori ke 15:6

Kaa ngen’u no ñoxoraa, xeet a inooxan fa ngend um, teeru a inooxan fa ngend um, yaam Roog kaa jaxasit’u a den o njakad onquu refna.

A kim a tedu ke 48:6

ndaa a njaaxɗa no ke da nga’na, a ndiid soo a ngod o joor.

Esayi 19:2

«Xam riñ o Miimisira ta song o Miimisira kend um, too oxuu refna xan a ñoxor fo o pog um, xaariit fa fa ngend um a ñoxor, teeru ke a ñoxor a ndeer den, soo maat ke neen.

Esayi 29:6

o Yaal oxe Hupna fop xan a muclitong ƭuuɗ fo yo’nax lanq fo fangax maak fo nqeñ fo a und a maak fo aal fiɗel laa na raaɓaa.

Esayi 37:3

Weene a laya a Esayi yee: «Keeke Hiskiya a layu: ‹Bes fene, bes naqad fo a qaw fa gaci a refu, ne ta layteel ee: Xa qeq axe mbudeena a mbade o ñoot, ndaa doole fa ñootir jegee.

Yeremi 13:21

Xar o laykaa, yaa we merandoox’oona a inooxankang, ndax da maadooxanong? Ndax xa ƭomel axe ndaawkirang nen xa ƭomel no tew oxaa na gaajooxaa?

Yeremi 22:23

Wo fee ngenand of a nandna fa Libaŋ, ndut of o fi’in kam taxar seedar ke, xan o iin tigi yaa a ƭomaand ake a ndalkang, o lañtooxaa nen o tew oxaa na gaajooxaa.»

Yeremi 25:32

Keeke o Yaal oxe Hupna fop a layu: «Taamaala xan a xotit na xeet boo na xeet, a und a maak a ɗisit no cat ke no lanq ke.»

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Yeremi 49:24

Njambaar ne Damaas a ɓuta, a yaj ake ten a mbes ndiiñ, ndax da ngod o joor, a sendaa ne mbodeena fop. Naqad fo xa ƭomel a ndala a den nen o tew oxaa na gaajooxaa.

Yeremi 50:43

O maad oxe Babilon oxaa daawaa o nan oleene rek, xa ƥay um owaa leeƈooxaa, naqad a damin, ta ɗomeel nen o tew oxaa na gaajooxaa.

Yeremi 6:24

Yaa i ndaawna o nan oleene rek, xa ƥay in a leeƈooxa, naqad a dam a in, i ƭomeel nen o tew oxaa na gaajooxaa.

Safe le no tuleer AGE 2:22

Xam jiƭit a uum ake no maad we, yaq doole fee no maat ke na adna fee. Xam jiƭit a sareet-xire ke fo ŋaaŋaay den, pis ke xan a yen, ŋaaŋaay den a mbarrit laƥ.

Sakari 14:13

A koom, o Yaal oxe xan a firɓand a den, da songir, oxuu refna a dal took o kend um.

Mace 24:8

Keene fop nen gaaj ɓelafuleer a nandkaa.

Mark 13:7

Boo nu nanna coow xire, nan wiin we a laytaa kaa farna na xire, ba nu njaaxiɗ, yaam keene a wara o xew, ndaa refkafulee muukandoong ne.

Mark 13:9

Nuun o mat, mbootooxyo a qoox nuun! Xan nu ƥisel no mbind no maad, too xan nu nqawel kam pind a qeƭ ke, ƥisel mbaambir gofornoor ke fo maad we yaam mi, ndax nu mbaagaam o seede’an mbaambir den.

A pi ake 11:28

O leng na den oxaa ne’eena Agabus a inooxa, a yegnit na pexey Yiif Tedu le yee xan a jeg biim maak kam adna fee fop. (Biim leene a jeg’a na jamaane faa Kolood a refna Kesaar fee.)

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

Mbeeñil 6:4

Maaga, pis jakeer a feeña. Oxe ŋaay’uuna a coox’e sañ-sañ ndax ta fi njuumoor na adna fee, wiin we a mbarrik. Oxeene a coox’e a laƥ a maak itam.