Mark 13:7 - NQAARIIT NE ROOG

⁷ Boo nu nanna coow xire, nan wiin we a laytaa kaa farna na xire, ba nu njaaxiɗ, yaam keene a wara o xew, ndaa refkafulee muukandoong ne.

Mark 13:7 Iomraidhean Croise

2 Sami’el 14:14

A woora yee in fop xan i nqon soo nand nen foofi laa ɓaxeena a lanq too waagataand o hurid. Roog koy, naagee o inatinaa o qon, ndaa o maad oxe a jega pexey naa ta nomtitiidna oxe sut’eena saax le.

A kim a tedu ke 112:7

Saɗaree o nan o feleer, xeeñ um a woor, ta hooloox o Yaal oxe.

A kim a tedu ke 27:3

Boo xiixire a mbogooxanaxama sax oo, o laaw es saɗarkee dara. Boo xire fee a jibna took es, yaqankiraam o jeg a koolax bo ta dey.

Xa peƭit axe 3:25

Saɗarkiro a qufil akaa mbetna mbaat song laa inoorna no soxodu we.

Esayi 8:12

«Ba nu nqoy yuuƥ paaxeer ke wiin weene a nqoyaa yuuƥ paaxeer. Ba nu saɗar ke da saɗaraa, too ba nu mbitin.

Yeremi 51:46

Ba nu ñak njambaar, too ba nu saɗar xa nan axe na ndiiraa kam saax le. Saƭikyo, nu ndaawangaa o nan oluu ta waagna waag o ref, rend oo, mbaan oo, a ƭom-yedar ake a maadooxangaa sax oo, soo o keegetand a rondand o keegetand o kend um nen o maad.

Mace 18:7

Ndaw sabab took adna fee yaam ke na tolofnooraa wiin we. Tolofnoorel waagee ñak, ndaa ndaw sabab took no xe na ɓisiidan!

Mace 2:3

Yaa o maad Herood a nanna kaaga, a jaaxiɗ’a lool too Yeerusaleem fop itam a njaaxiɗ’a nen o ten.

Mark 13:6

yaam xan wiin mayu a ngar, a ne’ooxaa gon es, too xan a lay ee: ‹Mi refun.› Maaga, xan a nax wiin mayu.

Mark 13:8

Xan saax a inooxan saax, maat a inooxan maat, too xan a jeg a yo’nax lanq na saax a mayu, xan a jeg qeex itam. Keene fop nen gaaj ɓelafuleer a nandkaa.

YEGIL MBAAX NE YEESU ne Saŋ a bindtuuna 14:1

«Ba nu njaaxiɗ, ngimyo na Roog, ngim na mi.

YEGIL MBAAX NE YEESU ne Saŋ a bindtuuna 14:27

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

A pi ake 17:3

Kaa tektoogu a den a Pind a Tedu ke, too a lalaa a den teen ee Kiristaa fee, o Muumucil oxe regteena a war’a o coono, soo a xontoox a ndeer no xon we. Kaa layoogu a den ee: «Yeesu fee um yegnaa a nuun, refu Kiristaa fee, o Muumucil oxeene.»