Mark 12:7 - NQAARIIT NE ROOG

⁷ Kaa koy, xooxoox waa a layra a ndeer den ee: ‹O lam oxe xe garaa. Fat i mbarin, soo yoqat fo ke ta warna o lam.›

Mark 12:7 Iomraidhean Croise

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Mberaand 37:20

Ndiiki koy, fat i mbarin ndeɓin kam a leng na kamb akene. I ndetangaa, i lay ee ƥaaɓaan damun, bo i nga ke xa ƭaaɗ axe ten a ƭaxkan.»

Esayi 49:7

Keeke o Yaal oxe refna o baawat oxe fo o Tedu xe Isra’el a layu oxe o ñoow um a sibeena, too wiin we a sibdin, a ref o paɗ no yaal toole ke: «Xan maad we a nga’in too xan a inoox, xan gelwaar we a ngung mbaambir um, yaa da ƈookkan. Neene, xan a lalit ee a niwa o Yaal oxe gore’na, a ref o Tedu xe Isra’el jiloonga.»

Mace 2:16

Yaa Herood a andna yee yaal-o-and waa kaa nax’un, a fuuxa fuux ɗomu. A lula wiin Betleheem fo no caate kaa mbiduuna fop, ndax da mbarik xa teɓandoong xa koor axe njeg’ina xa kiid xa ƭaq mbaat kaa moƴna o neew, a reefandin na waxtu faa yaal-o-and waa a lay’uuna.

Mace 21:34

Yaa a saxad alaa a fadna, a lula dag um maa no xooxoox waa, ndax da ƥisiidin xa tim um.

Mark 12:12

Aa-adax we a mbaaƭooga naa da ndamtuuna, yaam a and’a xil ee den o mat taxu Yeesu a lay a naxax aleene. Kaa koy, kaa saɗar’u wiin mayu waa. Ten taxu a nqaƴaan, soo a ndet.

Mark 12:6

O ƥeem onqe ta fexna fex soom yoq’u. Ten a falaku o lulaa maa den, yaam kaa layoogu yee: ‹Xan a niw o ƥees.›

Mark 12:8

A ndamaan, a mbarin, soo a ndeɓin kaltaa a ƭing alaa.

A pi ake 2:23

O kiin oxeene, kaa nu ƥoxotel o ten no ke Roog a heboox’ina. Keene koy, Roog kaa yuuɓ’un yaaga. Nu ndengaan na teex, ndax nu mbarnoorin na xa ƥay axe no we ndefeerna Yaawuur.

A pi ake 5:28

A laya a den ee: «I mbañta a nuun boo nqij ee ba nu mbaare’tat gon leene. Nu nga’aan! Nu nqaɓa a Yeerusaleem na waare fee nuun, soo mbug o mbudin took in fo’oy le no koor oxeene!»

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.