Mark 12:3 - NQAARIIT NE ROOG

³ Kaa koy, a ndama o tag oxaa, a nqawin, soo a nomtin ƥay ƥor.

Mark 12:3 Iomraidhean Croise

1 Maad we 18:13

O yaal es, ndax wetandooxaandee ke fi’uuma, ye Isebel a saŋkaa duleer we no Yaal oxe? Ɗasin’aam duleer teemeed na den kam luf a ƥil, fi a den a qaaj a ƭak no wiin qarɓeen ƥetik, cooxaa a den ñaamel fo foofi.

1 Maad we 18:4

Ye Isebel fee o tew no maad oxe a waraa duleer we no Yaal oxe, Abjaas a mucil’a duleer teemeed no duleer waaga, a fi a den a qaaj a ƭak no wiin qarɓeen ƥetik, a ɗasin a den kam luf a ƥil, a cooxaa a den ñaamel fo foofi.

1 Maad we 19:10

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

1 Maad we 19:14

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

1 Maad we 22:27

Fat o layanaam a den, da ƥek o mbindeef onqene kaso, too baa cooxeel ñaamel mbaat foofi fo deyu boo yaa um gatkaa na jam.»

2 Caloori ke 16:10

Aasa a dalfooxa o sayan o ƭeet oxe soo a wegnoorin kaso yaam fa lay fee no xeene kaa fuuxnoor’un lool. Na jamaane fa leng kut faaga, Aasa a refa no toroxandaa itam leng-leng na xeet um.

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

Yeremi 20:2

Pasehuur a ranja o tuleer Yeremi mbaƭ soo a jengin na toɓand ale refna no Ndokand took ne Bensame na rokteel no Mbind ne no Yaal oxe.

Yeremi 29:26

O Yaal oxe a dalnaang, wo Sefaniya, o saasadax na seek Yehoyada fee o saasadax, ndax o yetooxaa kam Mbind ne no Yaal oxe o koor oxuu na jiitaa, too a ne’ooxaa o tuleer, o jengin na toɓand fo a ƈang.

Yeremi 44:16

«Ke o layaa fa in no gon no Yaal oxe fop oo, i nan-gilooxkirang.

Mace 15:22

O tew o Kaakanaan oxaa gen’ina no jegel olaaga a gara me Yeesu, a layin ee: «O Yaal oxe, o Ndaan Dawid, yirmaam! Kaa jeg o ƥees o ndew onqaa jini a xijilna lool.»

Mark 12:2

Yaa a saxad alaa a fadna, a lula o tag um maa no xooxoox waa, ndax ta daaw a las um no ke saxadeena.

Mark 12:4

A lulahina o tag o lakas. A nqaaña oxaaga, soo a mbi’in cednooxu.

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

1 Tesalonik 2:15

Yaawuur weene o mat mbarnooru o Yaal oxe Yeesu, a mbarnoor duleer we itam, soo a ñagadil a in. Den weene koy, mbelee a Roog, a ndef fañ no wiin we fop.