O Yaal oxe a doona yee: «Ndeɓyo a kid farna fo qeet ke too ƭeet! Njaaxiɗyo too njomi, yaam xam fi no ñoow nuun a pi alaa andoona yee nu mbetandoox’ange o ten, nu ngimkiran.
Yeesu a laya a den ee: «Ndax nu mosee njang kam a Pind a Tedu ke yee: ‹Ɓil le maamax we a ndeɓ’ina refatu ɓil faraaj le. Keene no Yaal oxe a inooru too njomlaand oo na kid in.›
Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.
Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.