Mark 12:1 - NQAARIIT NE ROOG

¹ Cinj kaaga, Yeesu a refa no naxooxaa a den ee: «O yaal mbind a jimba a ƭing taxar biiñ, a ɗingin, soo a waq kam faa o nirir. A maxa taaga o yetooxand. Maaga, a doxnaan xooxoox, da nar o nqaajran fo ten, soo a ñaaƴik no saax jan.

Mark 12:1 Iomraidhean Croise

Esayi 7:23

Na pe akaaga, a ƭing aluu jegna taxar biiñ juni kaa mbaagna o njar xa monjong juni xaaliis fa nqoolu, xan a saxik takar-ñiig fo tomb.

Yeremi 2:21

Yaag oo toox de kaam jimb’ong nen ndaxar biiñ safu, naa o ax ole a faaxna. Nam suptooro ndaxar biiñ malu, naa hatna a ngenareem?

Mace 13:3

A naxooxa a den tig mayu too a lay ee: «O tuuduuf sutoox’u a duufik.

Mace 21:28

«Nam tige a nandu a nuun boog? O kiin jeg’u jeg xa ƥiy xa ƭaq. A gara me no eetaand oxe, a layin ee: ‹O ƥees, inooxi jalik na ƭing taxar biiñ alaa xaye!›

Mace 21:33

«Nan-gilooxyo a naxax a lakas. Kaa jeg’u jeg o yaal mbind oxaa jimbna a ƭing taxar biiñ. A ɗingaan, soo a waq kam faa o nirir. A maxa taaga o yetooxand. Maaga, a doxnaan xooxoox, ndax da nqaajran fo ten, soo a ñaaƴik no saax jan.

Mace 21:34

Yaa a saxad alaa a fadna, a lula dag um maa no xooxoox waa, ndax da ƥisiidin xa tim um.

Mace 25:14

«Xan a refahin nen o kiin oxaa andoona yee kaa ñaaƴkaa, soo a xoy faɗ um ndax ta doxin a den halal fee ten.

Mark 11:33

Maaga, a ndoona a Yeesu yee: «I andee.» Yeesu a laya a den ee: «Mi yoo, laykiim a nuun sañ-sañ fee um fi’taa kene.»

Mark 13:34

Xan a nand nen o koor oxaa na ñaaƴkaa, a xaƴ mbind um, a doxnin faɗ um, oxuu refna fo calel um, soo a sim o paɗ oxe na yetooxaa a carind ale ta yetoox a paax.

Mark 3:23

Yeesu a xoya a den, too a naxoox a den ee: «Nam Saytaane a waagu o raxit a xoox um?

Mark 4:2

A jangnooga a den na naxax a mayu, too a laya a den na cangin ale ten ee:

YEGIL MBAAX NE YEESU ne Lik a bindtuuna 15:13

A cinj ñaal leng-leng, o ndeɓ onqe a sofa ke ta jegna fop fa xaaliis, soo a ret fo ten no saax goƭu. Maaga, a ñoowooga no kaa feluuna, a yaq ke ta lam’ina fop.

YEGIL MBAAX NE YEESU ne Lik a bindtuuna 19:12

A laya boog ee: «O kiin o maak ñaaƴkoogu na saate fa ngoƭu ndax ta dodoox o maad, soo a nomtooxiidkaa.

YEGIL MBAAX NE YEESU ne Lik a bindtuuna 22:9

A laamta a Yeesu yee: «Mam bugo i njawantong o ten?»

YEGIL MBAAX NE YEESU ne Lik a bindtuuna 8:10

Yeesu a doona a den ee: «Kaa nu ci’el o and kunpa ke no Maat ne Roog, ndaa no lakas we o mat, kaa war o fi’tel a naxax. ‹Neene, a naangangaa o ƭeetaa, nga’kee, too a naangangaa o nanaa, andkee.› »

A pi ake 7:38

Moyiis feene geenooxoogu paam xeet fee mbokatoor’ina na koƥ-a-ƥor alaa. Ten reeƭu o ndok-a-ndeer ndeer malaaka ne layoogna fo ten no Joong olaa Sinayi fo daan we in. Ten o mat daawu fa lay fa ñoow, ndax ta cooxin a in.