Mark 11:8 - NQAARIIT NE ROOG

⁸ Wiin mayu a ƭaapa toki den na ƭat ale, soo lakas we a ƭaapaa a naaq akaa da ƭegit’ina na xa qol axe.

Mark 11:8 Iomraidhean Croise

2 Maad we 9:13

Ndak fo ndak, aa-adax waa a mbola sabadoor den, a ƭaapanin a Yehu no toŋ-toŋ olaa, a ndef no luuƥaa soo a mbalalooxaa yee: «Yehu a refata o maad!»

A paɗax ale 23:40

No ñaal eetaand ne, fat nu mbaaƭ xa tim xa paax fo a naaq keec fo xa yar taxar niɓu fo qawul soo mbelakinooxaa mbaambir es, mi o Yaal oxe Roog nuun, boo ñaal ɓetuu ƭik.

Mace 21:8

Faan laa ndeeƭna maaga a ƭaapooga toki ke den kam a ƭat ale, lakas a ƭegaa a naaq taxar, soo a ndoonaa a den kam a ƭat ale itam.

Mark 11:7

A ƥisiida a Yeesu o mol onqe, a ƭapanin toki ke den, soo Yeesu a moof took fee.

Mark 11:9

We adoox’ina a Yeesu fo we ndeefan’uuna a mbalalooxooga yee: «Hoosiyana! Oxe na garaa no gon le no Yaal oxe a hela simatel.