Mark 11:3 - NQAARIIT NE ROOG

³ Boo o kiin a laamitna a nuun ee: ‹Xar taxu nu mbi’aa keene?› Fat nu ndoonin ee: ‹O Yaal oxe soxla’un, too xan a dakniidin ndiiki.› Maaga, xan a xaƴin ta gar ndak fo ndak.»

Mark 11:3 Iomraidhean Croise

A kim a tedu ke 110:3

Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.

A kim a tedu ke 24:1

A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

Mark 11:2

a lay a den ee: «Ndetyo na saate fee refna mbaambir nuun. Boo nu ndokna taaga rek, xan nu soƥ maaga o mol o mbaam onqaa humeena, too o leng mosiran o ŋaay. Mbokteenoo, ƥisiidaam o ten!

Mark 11:4

Daalbe waa a ndeta, a soƥ o mol onqaa humeena tafil paam begax ne na ƭat ale, soo a mboktin.

Mark 14:15

Xan a lal a nuun a ndok a maak took taax-took naa fo moofir ke mbarna fop. Maaga nu njawanitkaa a in a cu’ax ale.»

A pi ake 1:24

Cinj kaaga, den fop a nqeɗa yee: «O Yaal oxe, wo fee andna a qeeñ ake no wiin we fop, lali a in o leng oxe jiloona no ɗik weeke,

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

A pi ake 17:25

Soxla’ee itam o ndimle nqaa inoorna no kiin no kuu ta waagna waag o ref, yaam ten na cooxaa wiin we fop o ñoow fo haaƭ fo kuu refna.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.