Mark 10:2 - NQAARIIT NE ROOG

² Farisiya waa a matiidaan, ndax da ƭeetlooxin. A laamtaan ee: «Ndax o kiin a waaga o waas o teem?»

Mark 10:2 Iomraidhean Croise

Malaki 2:16

O Yaal oxe Roog fee Isra’el kaa tee: Kaam sib a tolax a tasu, yaam kaa ref nen a bar. Mbootooxyo boog, too ba nu ngore’aƭar. Keene o Yaal oxe Hupna fop a layu.

Mace 15:12

Maaga, daalbe we ten a matiidaan, too a layin ee: «Ndax andaa yee ke layoona a panq oo no Farisiya we?»

Mace 16:1

Farisiya waa fo Sadusiya waa a nqetooxiida a Yeesu ndax da ƭeetlooxin. A nqeɗooxaan ndax ta lal a den o anddiloor olaa inoorna na asamaan.

Mace 19:3

Farisiya waa a matiidaan ndax da ƭeetlooxin. A laamtaan ee: «Ndax o kiin a waaga o waas o teem yaam kuu ta waagna waag o ref?»

Mace 22:35

O leng na den oxaa reeƭna o caajangin o maak no kebil kaa, a bug’aan o ɗeetloox, too a laamtaan ee:

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mace 9:34

Farisiya waa koy kaa layoogu yee: «Na pexey o maad oxe no cini ke a raxtaa cini ke.»

Mark 10:1

Yeesu a inoora maaga, a ret no jegel olaa Yudee fo kaltaa o xuluɓ ole Yordaan. Wiin mayu a ndakooxa o mbokatoor a paam um, too a jangnooga a den, ne ta mer’uuna o fi’taa.

Mark 10:3

Yeesu a doona a den fo laamit nene yee: «Kebil num Moyiis a cooxu a nuun ee?»

Mark 8:11

Farisiya we a ngara, a ñimatiraa fa Yeesu. A mbugaan o ƭeetloox, too a laamtaan o anddiloor olaa inoorna na asamaan.

Mark 8:15

Yeesu a maƭooxa a den kene: «Mbootooxyo too yetoox no poɗaxnir ke no Farisiya we fo ke Herood.»

YEGIL MBAAX NE YEESU ne Lik a bindtuuna 11:39

Kaa koy, o Yaal oxe a layaan ee: «Nuun Farisiya we, kaa nu ƥogdaa took fee na tokol ale fo took fee no roon ole, too kam nuun kaa nu may fo kuuɗe fo coxod.

YEGIL MBAAX NE YEESU ne Lik a bindtuuna 16:14

Farisiya we a nan-gilooxa fa lay fee Yeesu fop, too kaa nqaadnooxoogun, yaam ne da mbex’ina xaaliis.

YEGIL MBAAX NE YEESU ne Lik a bindtuuna 5:30

Farisiya we fo jaajangin we no kebil ke Moyiis mbog’ina na den a nqaadoox’a, too a layaa daalbe we Yeesu yee: «Xar taxu nu ñaamaa yeraa fo we na ndabdinooxaa juuti fo baabakaad we?»

YEGIL MBAAX NE YEESU ne Lik a bindtuuna 6:7

Jaajangin we no kebil ke Moyiis fo Farisiya we a mbug’a o njamb a Yeesu. Kaa ngorooxoogun a paax ndax xan a wodand o kiin na bes fee na ñootnax ale.

YEGIL MBAAX NE YEESU ne Lik a bindtuuna 7:30

ndaa Farisiya we fo jaajangin we no kebil ke mat mbatiise’’aand me Saŋ, yaam kaa mbes’u a cinj ke Roog a yuuɓan’ina a den.

YEGIL MBAAX NE YEESU ne Saŋ a bindtuuna 11:47

Maaga saasadax maak we fo Farisiya we a ndalfooxa o mbokat Mal maak ne den, a lay ee: «Xar i mbi’kaa ndiiki koy? O kiin oxeeke, oxe fi’aa xa anddiloor xa mayu de!

YEGIL MBAAX NE YEESU ne Saŋ a bindtuuna 11:57

Saasadax maak we fo Farisiya we kaa ngebil’u yee o kiin a andangaa me Yeesu a refna, fat a layin, ndax da ndamin.

YEGIL MBAAX NE YEESU ne Saŋ a bindtuuna 7:32

Kaa wiin waa a layoogna na Yeesu a naaga xot no nof no Farisiya waa. A ndalfooxa o nga’ir fo saasadax maak waa, soo a lul alkaati, ndax da ndet a ndam a Yeesu.

YEGIL MBAAX NE YEESU ne Saŋ a bindtuuna 7:48

Kaa nu mos o nga o leng no aa-adax we mbaat o leng no Farisiya we oxaa gimna no ten!

YEGIL MBAAX NE YEESU ne Saŋ a bindtuuna 8:6

O nanangaa da laamtan, o ndamnoorin soom a mbug’u. Yeesu o mat, oxe yoornooxa, a bindaa a lanq fo nqol um.

1 Korint 10:9

Ba i ƭeetloox o Yaal oxe itam, ne leng-leng na den a mbi’it’uuna boo pangool a ngar, a mbar a den.