Mark 10:1 - NQAARIIT NE ROOG

¹ Yeesu a inoora maaga, a ret no jegel olaa Yudee fo kaltaa o xuluɓ ole Yordaan. Wiin mayu a ndakooxa o mbokatoor a paam um, too a jangnooga a den, ne ta mer’uuna o fi’taa.

Mark 10:1 Iomraidhean Croise

O baawaare xe 12:9

O Baawaare xe reeƭee o cegu yiif soom, a day teen, ndaa a aqatina xeet fee o and. A ɗeetaqina, a horoox soo a leem xa peƭit xa mayu.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

Mace 26:55

Na waxtu faaga, Yeesu a laya faan laa yee: «Kaa nu ngaraa, mbi nen waa na mbelaa o kuuɗ, saq laƥ fo xa ƭong ndax nu ndamaam. Yaag oo toox de, bes fuu refna a ndeer nuun moofoogum, jangnaa kam Mbind Roog ne, too nu ndam’iraam.

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

Mark 1:21

Yeesu fo daalbe we ten a ndeta na teeru faa Kapernawum, too yaa bes fee na ñootnax ale a fadiidna, a roka kam mbind a qeƭ naa, a jangnaa.

Mark 10:2

Farisiya waa a matiidaan, ndax da ƭeetlooxin. A laamtaan ee: «Ndax o kiin a waaga o waas o teem?»

Mark 12:35

Yaa Yeesu a jangnaa kam Mbind Roog naa, a laamta yee: «Nam jaajangin we no kebil ke Moyiis a mbaagu o layit ee Kiristaa fee o Muumucil oxe regteena o Ndaan Dawid oo?

Mark 14:49

Yaag oo toox de, bes fuu refna, a ndeer nuun refoogum, jangnaa kam Mbind Roog ne, too nu ndamiraam. Kaa koy, fat a Pind a Tedu ke a mbadnoox.»

Mark 2:13

Yeesu a nomtooxa farna fa ƥeeraamb alaa no Maag olaa Galile. Wiin mayu a ngarooga me ten, too a jangnooga a den.

Mark 4:2

A jangnooga a den na naxax a mayu, too a laya a den na cangin ale ten ee:

Mark 6:2

Yaa bes fee na ñootnax ale a fadiidna, a refa no jangnaa kam mbind a qeƭ naa. Wiin mayu waa nan-gilooxooguuna a njaaxiɗ’a boo a laamtataa yee: «Mam a daawtu kene? O and olene ta cooxeena xar oo? Nam a waagu o fi’it a pi katil a nandu nene fo xa ƥay um?

Mark 6:34

Yaa Yeesu a sutooxna suk naa, a ga’a wiin mayu. A yuɗ’aan lool, yaam kaa nand’u nen paal kaa njegeerna o kaynaak. A dalfooxa o ref no jangnaa a den mayu.

Mark 6:6

Ngimaƭar den neene a bet’a a Yeesu lool. Yeesu a widooga a saax ake matna maaga, a jangnaa.

YEGIL MBAAX NE YEESU ne Saŋ a bindtuuna 10:40

A inoora maaga, a ret kaltaa Yordaan, maa Saŋ a eet’ina o batiise’taa, soo a moof maaga.

YEGIL MBAAX NE YEESU ne Saŋ a bindtuuna 11:7

soo a sogkaa o lay daalbe um ee: «Aca koy, i nomtoox Yudee.»

YEGIL MBAAX NE YEESU ne Saŋ a bindtuuna 18:20

Yeesu a doonaan ee: «Naa moofum o don es took a layaa, kaam jangnaa kam pind a qeƭ ke, kam Mbind Roog ne Yaawuur we fop a ndefaa. Jegee dara kaa layuuma na pet.