Mark 1:8 - NQAARIIT NE ROOG

⁸ Mi, mexe batiise’taa a nuun foofi, ndaa ten o mat, xan a batiise’it a nuun Yiif Tedu le.»

Mark 1:8 Iomraidhean Croise

Xa peƭit axe 1:23

Nomtooxiidyo me mi, um soq a nuun! Yaaga xam picit yiif es na nuun, andnoor a nuun fa lay es.

Esayi 32:15

Neene a refitkaa boo yaa o Yaal oxe a fudinkaa took in Yiif um. Maaga, a koƥ-a-ƥor ale xan a ref nen a ƭing, soo a ƭing ale a nand fo suungaan niɓu.

Esayi 44:3

yaam xam balin poofi took no xe hoɗomeena soo fi a banj took lanq ke mbeerna koroŋ. Xam fudin Yiif es took xa ƥeef, fa barke es took xa taan of.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Mark 1:7

A waare’ooga, too a layaa yee: «Oxe na reefaniidaxam moƴaxam o jeg doole, too ƴuug fekit xa ñaaƭ um sax a jombaxam.

Mark 1:9

Na pe akaaga, Yeesu a inoortiida na teeru faa Nasaret no jegel olaa Galile, too Saŋ a batiise’aan kam o xuluɓ ole Yordaan.

YEGIL MBAAX NE YEESU ne Lik a bindtuuna 3:16

Kaa koy, Saŋ a laya a den den fop ee: «Mi, mexe batiise’taa a nuun foofi, ndaa oxe na garaa moƴaxam o jeg doole, too fekit xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

YEGIL MBAAX NE YEESU ne Saŋ a bindtuuna 1:26

Saŋ a doona a den ee: «Mi, mexe batiise’taa foofi. A jega koy oxaa refna a ndeer nuun, too nu andiran.

YEGIL MBAAX NE YEESU ne Saŋ a bindtuuna 1:33

Mosinum o and, ndaa oxe luliidaxama ndax um batiise’it foofi kaa lay’aam ee: ‹Oxe Yiif le Roog a dongkaa took um yaa ta fudooritna na asamaan refu oxe na batiise’itkaa Yiif Tedu le.›

A pi ake 1:5

Mee ndax Saŋ, foofi a batiise’toogu, ndaa nuun koy, ndeer mene fo a pe a mayeer, xan nu mbatiise’tel Yiif Tedu le.»

A pi ake 10:45

Gimu we mbogna na xeet fee no Yaawuur we fop, too a yooniid fa Piyeer, kaa njaaxiɗ’u yaam ne Roog a fudinna Yiif Tedu le took no we ndefeerna Yaawuur, a ci’in a den.

A pi ake 2:17

‹No ñaal palakaand ke, xam fudniid Yiif le mi took no wiin we fop, xa ƥiy xa koor axe nuun fo xa ƥiy xa tew axe nuun xan a njo’tanaxam. xa pes axe nuun a nga’aa, a mbeeñooxeel, soo nogoy we nuun a ƭaaɗaa.

A pi ake 2:4

Den fop a maya fo Yiif Tedu le, too a ndalfooxa o layaa lak lakas kaa Yiif le a ci’na a den.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.