Mark 1:21 - NQAARIIT NE ROOG

²¹ Yeesu fo daalbe we ten a ndeta na teeru faa Kapernawum, too yaa bes fee na ñootnax ale a fadiidna, a roka kam mbind a qeƭ naa, a jangnaa.

Mark 1:21 Iomraidhean Croise

Mace 4:13

A jangoorta na teeru faa Nasaret, soo a geniid Kapernawum, refna paam o maag olaa, no jegel olaa na carind ale Sabulon fo ale Neftali.

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

Mark 1:20

Ndak fo ndak, Yeesu a xoya a den, too a nqaƴa a Sebede fee faap den fo jaajal waa kam suk naa, a ndeefanin.

Mark 1:29

Yaa Yeesu fo daalbe we ten a sutooxna mbind a qeƭ naa, a ndeta no mbind Simoŋ fa Andare, a yoon fa Saak fa Saŋ.

Mark 1:33

Saax laa fop kaa mbokatoor’u na carind alaa no mbind ne.

Mark 1:39

Neene, Yeesu a reta kam Galile fop. Kaa waare’oogu kam pind a qeƭ ke no saax le, too a raxaa cini ke.

Mark 10:1

Yeesu a inoora maaga, a ret no jegel olaa Yudee fo kaltaa o xuluɓ ole Yordaan. Wiin mayu a ndakooxa o mbokatoor a paam um, too a jangnooga a den, ne ta mer’uuna o fi’taa.

Mark 2:1

Na pe akaa ndoonooxna, Yeesu a nomtooxiida na teeru faa Kapernawum, too wiin waa a nana yee oxaa no mbind naa.

Mark 3:1

Yeesu a roka kam mbind a qeƭ naa. O koor oxaa o ɓay um a xarna a reeƭa maaga.

Mark 6:2

Yaa bes fee na ñootnax ale a fadiidna, a refa no jangnaa kam mbind a qeƭ naa. Wiin mayu waa nan-gilooxooguuna a njaaxiɗ’a boo a laamtataa yee: «Mam a daawtu kene? O and olene ta cooxeena xar oo? Nam a waagu o fi’it a pi katil a nandu nene fo xa ƥay um?

YEGIL MBAAX NE YEESU ne Lik a bindtuuna 10:15

Wo Kapernawum o mat, ndax xan o yoɗel boo na asamaan? Ha’aa! Xan o fudnel boo kam jaaniif.»

YEGIL MBAAX NE YEESU ne Lik a bindtuuna 13:10

Na bes fee na ñootnax ale, Yeesu a jangnooga kam mbind a qeƭ.

YEGIL MBAAX NE YEESU ne Lik a bindtuuna 4:16

Yeesu a fadiida na teeru faa Nasaret maa ta yarooxna. Na bes fee na ñootnax ale, a roka kam mbind a qeƭ naa ne ta mer’ina o fi’aa. Maaga, a inooxa ndax ta jang a maak.

YEGIL MBAAX NE YEESU ne Lik a bindtuuna 4:23

Yeesu a laya a den ee: «A woora yee nu naxooritkoogaxam o feƭit olene: ‹O baawaadin, wodandi a xoox of.› Xan nu layaam itam ee: ‹I nana ke fi’oona Kapernawum fop, fi’i leng kut ke boog mene refna mbaafaap of.› »

A pi ake 17:2

Pool a roka kam mbind a qeƭ naa ne ta mer’ina o fi’aa. Pes tadik a ñootnax a soƥ’aan maaga. Kaa jeetaayoogu fo we ndeeƭna maaga no kaa farna no ke a Pind a Tedu ke a layna.

A pi ake 18:4

Bes a ñootnax aluu fad’ina, Pool kaa jeetaayoogu fo waa ndefoogna no mbind a qeƭ naa. Kaa jeemoogu o gimnoor Yaawuur we fo Geegeres we itam.